________________
१२९
गच्छाचारपइण्णयं
त्ति य ४ । रुद्दो ५ वरुद्द ६ काले य ७, महाकाले त्ति यावरे ८ ।। ३३ ।। असि ९ पत्तधणू १० कुंभे ११, वालू १२ वेयरणीइ य १३ । खरस्सरे १४ महाघोसे १५, एए पंनरसाहिया । । ३४ ।। धाडंति पहाडंति य, हति विंधंति तह निसुंभंति । मुंचति अंबरतले, अंबा खलु तत्थ नेरइए १ ।। ३५ ।। ओहयए य तहियं, निस्सन्ने कप्पणीहि कप्पंति । विदलगचडुलगच्छिन्ने अंबरिसी तत्थ नेरइए || २ ||३६|| साडणपाडणतोडण - विंधणरज्जूतलप्पहारेहिं । सामा नेरइयाणं, पवत्तयंती अपुण्णाणं ३ ।। ३७ ।। अंतजरफिफ्फिसाणि य हिययं कालिज्जपुप्फसेवक्के । सबला नेरइयाणं, पवत्तयंती अपुन्नाणं ४ ।। ३८ ।। असिसत्तिकुंततोमरसूलतिसूलेसु सूइअग्गेसु । पोयंति रुद्दकम्माउ, नरगपाला तहिं रुद्दा ५ ।।३९।। भंजंति अंगमंगाणि, ऊरु बाहू सिराणि करचरणे । कप्पंति कप्पणीहिं, उवरुद्दा पावकम्मरए ६ ।। ४० ।। मीरासु सुंठएसुं कंडूसु य पयणगेसुं य पयंति । कुंभीसु य लोहीसु य, पयंति काला उ नेरइए ७ ।।४१।। कप्पंति कागिणी मंसगाणि छिंदंति सीहपुच्छाणि । खाविंती नेरइए, महकाला पावकम्मरया ८ ।। ४२ ।। हत्थे पाए ऊरू, बाहुसिरा तह य अंगमंगाणि । छिंदि पगामं तू, असिनेरइया उ नेरइए ९ ।। ४३ ।। कन्नोट्ठनासकरचरण-दसण तह थणपुतोरुबाहूणं । छेयणभेयणसाडण, असिपत्तधणूहि पाडिंति १० ।। ४४ ।। कुंभीसु य पयणेसु ंय, लोहीसु य कंदुलोहकुंभीसु । कुंभी उ नरगपाला, हणंति पाचंति नरएस ११ ।। ४५ ।। तडतडतडरस भज्जति, भज्जणिकलंबवालुयापिट्टे । वालुअगा नेरइए, लोलंती अंबरतलम्मि १२ ।। ४६ ।। वसपूयरुहिर के सट्ठिवाहिणीकलकलंतजतुसोया । वेयरणिनरयवाला, नेरइए ऊ पवाहिंति १३ ।।४७।। कप्पंति करकएहिं कप्पंति परुप्परं परसुगेहिं । संबलियमारुहंती, खरस्सरा तत्थ नेरइए १४ ।। ४८ । । भीए य पलायंते, समंतओ तत्थ ते निरुंभंति । पसुणो जहा पसुवहे, महघोसा तत्थ नेरइए
,
-
