________________
गच्छाचारपइण्णयं मलिणे निवपुप्फकेउयम्मि मए । सिरिपुप्फचूलराया, पालइ नीईइ महिवलयं ||१६ || तइया अकज्जकरणा-वसरे पइणाऽवमाणिया संती । पुप्फवई निव्वेया, पडिवन्ना जिणवरचरित्तं ।।१७।। निरवज्जं पव्वज्जं, पालिय खालियपमायमलपडला | सा मरिऊणं सुहझाण-संगया दिवि सुरो जाओ ||१८ ।। ओहिं जाव पउंजइ, सो तियसो ताव सोयरेण समं । पिक्खे वि पुप्फचूलं, भोगपरं चिंतिउं लग्गो ।।१९।। मम आसी पुव्वभवे, पाणाउ वि वल्लहा सुया एसा । ता तह करेमि अहुणा, जेण न नरए फुडं पडइ ||२०|| इय चिंतिय पडिबोहण-विहियमई पुप्फवइवरो अमरो | निसिसुत्ताए तीए, नरयदुहे दंसए एवं ।।२१।। साहाविय तिसु उन्हा, मीस चउत्थी इसीय उवरि तिगे । परमाहम्मिय अन्नु-नुदीरणा वेयणा तत्थ ।।२२।।
अइसकडमुहघडियालयाउअसुरेहि कडुरडंतसरा । कट्टिज्जति हु केई, जंताओ लोहतंतु व्व ।।२३।। ताडिज्जंति य केई, सिलायले वज्जकंटयाइन्ने । असुरेहि गहियचलणे, खालणपारद्धवसणं व ।।२४।। पीडिज्जति य केई, उच्छंपि व लोहजंतमज्झंमि | करवत्तेहिं केई, दारुव्व वियारियज्जंति ।।२५।। आलिंगाविज्जंती, केई लोहित्थिमग्गितवियतणुं । खाविज्जंति समंसं, छिंदेउं के वि छुरियाहिं ।।२६ ।। तिण्हातरला केई, पाइज्जंतो य उण्हतउयाइं । के वि हु जलिरंगारे, खाविज्जंता छुहकिलंता ।।२७।। राइयपमाणखंडे, काऊणं के वि कडुरडंता वि । कुंभीपाए पावा, पच्चंति य सागपत्तं व ।।२८ ।। अच्चुण्हतावियासुं, केवि तलिज्जति पप्पडु व्व फुडं । चूरिज्जंति य केई, घडु व्व मुग्गरपहारेहिं ।।२९ ।। केवि तवियदविहुयतंब-तउयसमनीरपूरभरियाए । वेयरणीएदद्ध त्ति, पुक्करंता खिविज्जति ।।३०।। केई ताए पुलिणे, वसहु व्व महाभरं वहिज्जंता । पलयाणलपज्जलिए, भट्ठे चणय व्व फुटुंति ।।३१।। छायात्थिणो य केई, असिवणपत्ता समीरखित्तेहिं । सव्वंगं छिज्जंती, पहरणरूवेहि पत्तेहिं ।।३२ ।। अंबे १ अंबरिसी चेव २, सामे अ ३ सबले
