________________
१९२७
गच्छाचारपइण्णयं
भत्तं पाणं च पुप्फचूलाए । उवणीयं भुंजतो, तेणेव भवेण अंतगडो ।।१।।' हे गौतम ! स गच्छो भणितः, सूत्रे नपुंसकत्वं प्राकृतत्वादिति । अणिकापुत्राचार्यसम्बन्धश्चायम् - अस्थि इह भरहवासे, बहुभद्दा पुप्फभद्दिया नयरी । जसु परिसरंमि तरुणिव्व, वहइ सुपयोहरा गंगा ।।१।। तत्थासि सकुलकेऊ, रिउकुलकेऊ अ पुप्फकेउनिवो । जस्स करेऽसी रेहइ, विजयसिरीवेणिदंडु व्व ।।२।। सुद्धमई हंसगई, विणयवई नयवई सुसीलवई। देवगुरुविहिअपणई, तस्स पिआ आसि पुप्फवई ।।३।। विसयसुहमणुहवंताण, ताण मिहुणं मणोहरं जायं । तणओ अ पुप्फचूलो, तणया पुण पुप्फचूला य । । ४ । । समगं रममाणाणं, समरूवाणं पवट्टमाणाणं । निरुवमपिम्मपराणं, ताणं वच्चति दिअहाई । । ५ । । कइया वि कामलीलावणम्मि तारुण्णयंमि वट्टंता । ते नियवि निवो निअमाणसंमि इअ चिंतिउं लग्गो ।।६।। जइ एयाण परुप्पर, पिम्मपराणं समाणरूवाणं । कहवि हु कीरइ विरहो, ता णूणममंगलं हुज्जा ।। ७ ।। तो एयाणं करगहमंगलकरणम्मि निम्मिए संते । विहिणो अपुव्वविन्नाण, पयडणं सहलयं होइ ।।८।। अहमवि विरहं एयाण - मक्खमो पिक्खिउं मणागंवि । तणयतणयाण पाणि-ग्गहणमओ कारवेमि लहुं ।। ९ ।। तो मंतिपमुहनायरलोए सद्दाविउं निवो भणइ । अंतेउरंमि रयणं, उप्पज्जइ तस्स को सामी ||१०|| ते विहु भांति सामिय ! सयलम्मि वि मंडलम्मि जं रयणं । उप्पज्जइ तस्स पहू, निवो किमंतेउरगयस्स ।। ११।। नियदेसे जं रयणं, जायइ जणउ व्व तं जहिच्छाए । विणिवेसंतो सययं, वारिज्जइ केण धरणिधरो ।।१२।। इय तव्वयणछलेणं, छलप्पहाणो नरेसरो हिट्ठो | लोयसमक्खं नियदारगाण कारेइ करगहणं ।। १३ ।। पुप्फवई तब्भज्जा, सावयधम्मुज्जुया अकज्जाओ । वारंती वि न गणिया, भूवइणा कुग्गहग्गहिणा ||१४|| सिरिपुप्फचूलकुमरो, विसयसुहं तीइ पुप्फचूलाए । सद्धिं अणुहवमाणो, गमेइ कालं निमेसु व्व ।।१५।। कमसो अकित्तिकद्दम
