________________
श्री महानिशीथ सूत्रम्
ता गोयमा ! सहियएणं, एवं वीमंसिउं दर्द ।। विभावय जइ बंधिज्जा, गिहिणो 'उ अबोहिलाभियं ।।१८९।। संजए पुण निबंधिजा, एयाहिं हेऊहिं य । आणाइक्कम वयभंगा, तह उम्मग्गपवत्तणा ।।१९०।। मेहुणं चाउकायं च तेउकायं तहेव य । हवइ तम्हा तितयंति, जत्तेणं वज्जेज्जा सव्वहा मुणी ।।१९१।। जे चरंते व पच्छितं, मणेणं संकिलिस्सए । जह भणियं वाऽह णाणुढे निरयं सो तेण वच्चई ।।१९२।। भयवं ! मंदसद्धेहिं, पायच्छित्तं न कीरई । अह काहंति किलिट्ठमणे ताऽणुकंपं विरुज्झए ? ।।१९३।। नारायादीहिं संगामे, गोयमा सल्लिए नरे । सल्लुद्धरणे भवे दुक्खं नाणुकंपा विरुज्झए ।।१९४।। . एवं संसारसंगामे, अंगोवंगत-बाहिरं । भावसल्लुद्धरिताणं, अणुकंपा अणोवमा ।।१९५।। भयवं ! सल्लंमि देहत्थे, दुक्खिए होति पाणिणो । . जं समयं निप्फिडे सल्लं, तक्खणा सो सुही भवे ।।१९६।। एवं तित्थयरे सिद्धे, साहू धम्मं विवंचिउं । जं अकज्जं कयं तेणं, निसिरिएणं सुही भवे ।।१९७।। पायच्छित्तेण को तत्थ, कारिएणं गुणो भवे ? , जेणं थेवस्स वी देसि, दुक्करं दुरणुच्चरं ।।१९८।। उद्धरिउं गोयमा ! सल्लं, वणभंगे जाव णो कये । वणपिंडीपट्टबंधं च, ताव णो किं परुज्झए ? ।।१९९।।
१. न उ पाठान्तरमिति ।
