________________
२३४
श्री महानिशीथ सूत्रम्-अध्य०७ अपसत्थे य जे भावे, परिणामे य दारुणे । पाणाइवायस्स वेरमणे, एस पढमे अइक्कमे ।।९७।। तिव्वरागा य जा भासा, निगुरखरफरुसकक्कसा । मुसावायस्स वेरमणे, एस बीए अइक्कमे ।।९८।। उग्गहं अजाइत्ता, अचियत्तंमि अवग्गहे । अदत्तादाणस्स वेरमणे, एस तइए अइक्कमे ।।९९।। सद्दा रूवा रसा गंधा, फासाणं पवियारणे । मेहुणस्स वेरमणे, एस चउत्थे अइक्कमे ।।१००।। इच्छा मुच्छा य गेही य, कंखा लोभे य दारूणे । परिग्गहस्स वेरमणे, पंचमगेसाइक्कमे ।।१०१।। अइमत्ताहारहोइत्ता, सूरक्खित्तंमि संकिरे । राईभोयणस्स वेरमणे, एस छठे अइक्कमे ।।१०२।।
आलोइयनिंदियगरहिओवि कयपायच्छित्तणीसल्लो । जयणं अयाणमाणो, भवसंसारे भमे जहा सुसढो ।।१०३।।
भयवं ! को उण सो सुसढो ? कयरा वा सा जयणा ? जमजाणमाणस्स णं तस्स आलोइयनिंदियगरहिओ वि कयपायच्छित्तस्सावि संसारं णो विणिट्ठियंति ? गोयमा ! जयणा णाम अट्ठारसण्हं सीलंगसहस्साणं, सत्तरसविहस्स णं संजमस्स, चोद्दसण्हं भूयगामाणं, तेरसण्हं किरियाठाणाणं, सबज्झब्भंतरस्स णं दुवालसविहस्स णं तवोऽणुट्ठाणस्स, दुवालसण्हं भिक्खुपडिमाणं, दसविहस्स णं समणधम्मस्स, णवण्हं चेव बंभगुत्तीणं, अट्ठण्हं तु पवयणमाईणं, सत्तण्हं चेव पाणपिंडेसणाणं, छण्हं तु जीवनिकायाणं, पंचण्हं तु महव्वयाणं, तिण्हं तुचेव गुत्तीणंजावणं तिण्हमेव सम्मइंसणनाणचरित्ताणं
