________________
१६२
श्रा महानशाथ सूत्रम्-अध्य०६
मायापवंचडंभेण सो भमिही आसडो जहा ।।४७ ।। भयवं ! न याणिमो कोऽवि, मायासीलो हु आसडो ? किं वा निमित्तमुवचरिउं, सो भमे बहुदुहडिओ ॥४८॥ चरिमस्सऽन्नस्स तित्थंमि, गोयमा ! कंचणच्छवी आयरिओ आसि भूइक्खो, तस्स सीसो य स आसडो ।।४९।। महव्वयाइं घेत्तूणं, अह सुत्तत्थं अहिज्जिया ताव कोऊहलं जायं, णो णं विसएहिं पीडिओ ॥५०॥ चिंतेइ य जह सिद्धते, एरिसो दंसिओ विही ता तस्स पमाणेणं, गुरुयणं रंजिउं दढं ।।५१।। तवं चऽट्टगुणं काउं, पडणाणसणं विसं करेहामि जहाऽहंपि, देवयाए निवारिओ ।।५२।। दीहाऊ णस्थि ते मच्चू, भोगे भुंज जहिच्छिए ।।५३।। लिंगं गुरुस्स अप्पेठ, अन्नं देसंतरं वय । भोगहलं वेइया पच्छा, घोरवीरतवं चर ।।५४।। अहवा हा हा अहं मूढो, आयसल्लेण सल्लिओ । समणाणं णेरिसं जुत्तं, समयमवी मणसि धारिउं ।।५५।। एत्था उ मे पच्छित्तं, आलोएत्ता लहुं 'धरे । अहवणं ण आलोउं, मायावी भन्निमो पुणो ॥५६।। ता दसवासे आयाम, मासक्खमणस्स पारणे । वीसायंविलमादीहिं, दो दो मासाण पारणे ।।५७। पणुवीसं वासे तत्थ, चंदायणतवेण य । छट्ठट्ठमदसमाइं अट्ठ वासे यऽणूणगे ।।५८।।
१. 'चरे' पाठान्तरमिति ।
