________________
श्री महानिशीथ सूत्रम्-अध्य०३
रबहिभेएणं ।
पमाणं - 'बत्तीसं किर कवले आहारो कुच्छिपूरओ भणिओ । रागेण सइंगालं दोसेण सधूमगंति नायव्वं ।।१२८।। कारणं - ‘वेयण वेयावच्चे इरियट्ठाए य संजमट्टाए ।
तह पाणवत्तियाए छठें पुण धम्मचिंताए ।।१२९।। नत्थि छुहाए सरिसिया वियणा भुंजिज्ज तप्पसमणट्ठा । 'छाओ वेयावच्चं ण तरइ काउं अओ भुंजे ।।१३०॥ इरियपि न सोहिस्सं पेहाइयं च संजमं काउं । थामो वा परिहायइ गुणणऽणुप्पेहासु य असत्तो ।।१३१।। पिंड विसोही गया । इयाणि समितीओ पंच तंजहा -
ईरियासमिई भासासमिई एसणासमिई आदाणभंडमत्तनिक्खेवणासमिई उच्चारपासवणखेलसिंघाणजल्लपारिट्ठावणियासमिई । तहा गुत्तीओ तिन्नि-मणगुत्ती वयगुत्ती कायगुत्ती ।
तहा भावणाओ दुवालस तंजहा- अणिच्चत्तभावणा असरणभावणा एगत्तभावणा अन्नत्तभावणा असुइभावणा विचित्तसंसारभावणा कम्मासवभावणा संवरभावणा विनिज्जरभावणा लोगवित्थरभावणा धम्म सुयक्खायं सुपन्नत्तं तित्थयरेहिंति तत्तचिंता भावणा बोहीसुदुल्लभा जम्मतरकोडीहिवित्ति भावणा, एवमादि थाणंतरेसुं जे पमायं कुजा से णं चारित्तकुसीले णेए ।३९।
तहा तवकुसीले दुविहे णे बज्झ-तवकुसीले अभितरतवकुसीले य । तत्थ जे केई विचित्तअणसणऊणोदरियावित्तीसंखेवणरसपरिच्चाय१. बुभुक्षित इति ।
