________________
"श्रीदशाश्रुतस्कंधे पर्युषणाकल्प-अध्ययनम्-८
गंधार गिरी देवय, पडिमा गुलिया गिलाण पडियरेण । पज्जोयहरण दोक्खर रण गहणा मेऽज्ज ओसवणा ।।९९।। दासो दासीवतितो छत्तट्ठिय जो घरे य वत्थव्वो । आणं कोवेमाणो हतब्बो बंधियब्बो य ||१००।
___ तारिसे अवराधे पज्जोओ सावगोत्ति काऊण मोत्तूण खामितो । एवं साधुणावि पज्जोसवणाए परलोगभीतेण सव्वस्स खामेयव्वं ।। अहवाखद्धाऽऽदाणियगेहे पायस दट्टण चेडरूवाइं । पियरोभासण खीरे जाइय रद्धे य तेणा उ ||१०१।। पायसहरणं छेत्ता पच्चागय दमग असियए सीसं । भाउय सेणावति खिसणा य सरणागतो जत्थ ।।१०२।।
___ एगो दमओ पच्चंत-गामवासी तेण सरतकाले चेडरूवेहिं जाइज्जंतेण दुद्धं मग्गिउण पायसो रद्धो । तत्थ चोरसेणा पडिया । तेहिं विलोलियं । सो य पायसो १स-त्थालीतो हरितो तेणेहिं । सो य अडवीतो तणं लुणिऊण अज्ज तेहिं संमं पायसं भोक्खमीति जाव इंतस्स चेडरूवेहिं रुयमाणेहिं सिटुं, कोधेण गंतुं तेसिं चोराण वक्खेवेणं सेणावइस्स असियएण सीसं छिंदिऊण णट्टो । ते य चोरा हय-सेणावतिया णट्टा । तेहिं गंतूण पल्लि तस्स डहरओ भाया सेणावती अभिसित्तो । ताहे ताओ 'माता (भ) भइणीओ तं भणंति, तुम्ह अम्हं वइरियं अमारेऊण इच्छसि सेणावइत्तणं काउं? तेण गंतूण सो आणितो दमगो जीवगज्झो वराओ । तेसिं पुरओ णिगलियं बंधिऊण भणितो धणुं गहाय भणइ, कत्थ ? आहणामि सरेण भाइमारगा ? तेण भणियं-जत्थ सरणागया विज्झंति । तेण चिंतिऊण भणियं-कइयावि नो सरणागता आहम्मंति, ताहे सो पूएऊण विसज्जितो | जति ताव तेण धम्म अयाणमाणेण मुक्को, किमंग पुण साधुणा परलोगभीतेण अब्भुवगतस्स सम्मं सहितव्वं खमियव्वं ।। वाओदएण राई णासइ कालेण सिगयपुढवीणं । णासइ उदगस्स राई, पन्वयराती उ जा सेलो ||१०३।। उदय सरिच्छा पक्खेणऽवेति चउमासिएण सिगयसमा । वरिसेण पुढविराई आमरण-गती अ पडिलोमा ||१०४॥ १. स-स्थालीकः । २. 'माता-भाईणीओ' 'पाठान्तरम् अन्यथा’ माता-भाइ-भईणीओ संभाव्यते । ३. सिकतासमा ఉండిఉండిందండింతంత ఉతంతపండితంతంతం
