Page Text
________________
81
-V.63]
नायाधम्मकहाओ (63) तए णं तेसिं पंथगवज्जाणं पंचण्हं अणगारसयाणं अन्नया कयाइ एगयओ सहियाणं जाव पुव्वरत्तावरत्तकालसमयंसि धम्मजागरियं जागरमाणाणं अयमेयारूवे अज्झथिए जाव समुप्पज्जित्था- एवं खलु सेलए रायारसी चइत्ता रज्जं च ४ जाव पव्वइए विउले असणे ४ मज्जपाणए मुच्छिए ४ नो संचाएइ चइउं जाव विहरित्तए । नो खलु कप्पइ देवाणुप्पिया ! समणाणं जाव पमत्ताणं विहरित्तए । तं सेयं खलु देवाणुप्पिया अम्हं कल्लं सेलगं रायरािसं आपुच्छित्ता पाडिहारियं पीढफलगसेनासंथारयं पच्चप्पिणित्ता सेलगस्स अणगारस्स पंथयं अणगारं वेयावच्चकरं ठावेत्ता बहिया अब्भुज्जएणं जाव विहरित्तए । एवं संपेहेंति २ कल्लं जेणव सेलगरायरिसी आपच्छित्ता पाडिहारियं पीढफलग जाव पच्चप्पिणंति २ पंथयं अणगारं वेयावच्चकरं ठावेंति २ बहिया जाव विहरति ।
___(64) तए णं से पंथए सेलगस्स सेज्जासंथारउच्चारपासवणखेल्लेसिंघाणमलाओ ओसहभेसज्जभत्तपाणएणं आगिलाए विणएणं वेयावडियं करेइ । तए णं से सेलए अन्नया कयाइ कत्तियचाउम्मासियंसि विउलं असणं ४ आहारमाहारिएँ सुबहुं च मज्जपाणयं पीएं पुवावरण्हकालसमयसि सुहप्पसुत्ते। तए णं से पंथए कत्तियचाउम्मासियंसि कयकाउस्सग्गे देवसिय पडिक्कमणं पडिकंते चाउम्मासियं पडिक्कमिउकामे सेलगं रायरिसिं खामणट्ठयाए सीसेणं पाएमु संघट्टेइ । तए णं से सेलए पंथएणं सीसेणं पाएसु संघट्टिए समाणे आसुरुत्ते जाव मिसिमिसेमाणे उठेइ २ एवं वयासी-से केस णं भो एस अपत्थियपत्थिए जाव वज्जिए जेणं ममं सुहपसुत्तं पाएसु संघट्टेइ ? तए णं से पंथए सेलएणं एवं वुत्ते समाणे भीए तत्थे तसिए करयल जाव कटु एवं वयासी - अहं ण भंते ! पंथए कयकाउस्सग्गे देवसियं पडिक्कमणं पडिकते चाउम्मासियं खामेमाणे देवाणुप्पियं वंदमाणे सीसेणं पाएसु संघटेमि । तं खामेमि णं तुब्भे देवाणुप्पिया! खमन्तु मे अवराहं तुम णं देवाणुप्पिया! नाइभुज्जो एवं करणयाए त्तिकटु सेलयं अणगारं एयमहँ सम्मं विणएणं भुज्जो २ खामेइ । तए णं तस्स सेलगस्स रायििसस्स पंथएणं एवं वुत्तस्स अयमे
| SR No. | 022565 |
| Book Title | Nayadhamma Kahao |
| Original Sutra Author | N/A |
| Author | N V Vaidya |
| Publisher | N V Vaidya |
| Publication Year | 1940 |
| Total Pages | 254 |
| Language | Sanskrit |
| Classification | Book_Devnagari & agam_gyatadharmkatha |
| File Size | 20 MB |