Page Text
________________
नायाधम्मकाओ
[V. 62
कालाइकंतेहि य पमाणांइकतेहि य निच्चं पाणभोयणेहि य पयइसुकुमालस्स य सुहोचियस्स सरीरगंसि वेयणा पाउन्भूया उज्जला जाव दुरहियासा कंडुदाहपित्तज्जरपरिगयसरीरे यावि विहरइ । तर णं से सेलए तेणं रोयायंकेणं सुक्खे जाए यावि होत्था । तए णं से सेलए अन्नया कयाई पुव्वाणुपुव्विं चरमाणे जाव जेणेव सुभूमिभागे जाव विहरइ | परिसा निग्गया मंडुओ वि निग्गओ सेलगं अणगारं वंदइ जाव पज्जुबासइ । तए णं से मंडुए राया सेलगस्स अणगारस्स सरीरगं सुक्कं जाव सव्वाबाहं सरोगं पासइ २ एवं वयासी - अहं णं भंते ! तुब्भं अहापवत्तेहिं तिगिच्छिएहिं अहापवत्तेणं ओसहभेसज्जभत्तपाणेणं तिगिच्छं आउंटावेमि । तुब्भे णं भंते ! मम जाणसालासु समोसरह फासुएस णिज्जं पीढफलगसेज्जासंथारगं ओगिहित्ताणं विहरह | तए णं से सेलए अणगारे मंडुयस्स रन्नो एयमहं तहन्ति पडिसुणेइ । तए णं से मंडुए सेलगं बंदइ नमसइ २ जामेव दिसि पाउन्भूए तामेव दिसिं पडिगए । तए णं से सेलए कलं जाव जलंते सभंडमत्तोवगरणमायाए पंथगपामोक्खेहिं पंचहि अणगारसएहिं सार्द्धं सेलगपुरमणुप्पविसइ जेणेव मंडुयस्स जाणसाला तेणेव उवागच्छइ २ फासूयं पीढ जाव विहरइ । तए णं से मंडुए तिमिच्छिए सद्दावेइ २ एवं वयासीतुम्भेणं देवाणुप्पिया ! सेलगस्स फांसुएसणिज्जेणं जाव तिगिच्छं आउंटेह | तए णं तिगिच्छया मंडुएणं रन्ना एवं वुत्ता हट्ठतुट्ठा से लगस्स अहापवत्तेहिं ओसहभे सज्जभत्तपाणेहिं तिगिच्छं आउट्टेति मज्जपाणगं च से उवदिसंति' । तए णं तस्स सेलगस्स अहापवत्तेहिं जाव मज्जपाणएणं से रोगायके उवसंते जाए यावि होत्था हट्ठे बलियैसरीरे जाए ववगयरोगायके । तए णं से सेलए तंसि रोयातंकंसि उवसंतंसि खमाणंसि तंसि विपुलंसि असणंसि ४ मज्जपाणए य मुच्छिए गढिए गिद्धे अज्झोववन्ने ओसन्ने ओसन्नविहारी एवं पासथे २ कुसीले २ पमत्ते २ संसत्ते २ बद्धपीढफलग सेज्जासंथारए पमत्ते यावि विहरइ नो संचाएइ फासुएस णिज्जं पीढं पच्चप्पिणित्ता मंडुयं च राय आपुच्छित्ता बहिया जाव विहरित्तए ।
80
| SR No. | 022565 |
| Book Title | Nayadhamma Kahao |
| Original Sutra Author | N/A |
| Author | N V Vaidya |
| Publisher | N V Vaidya |
| Publication Year | 1940 |
| Total Pages | 254 |
| Language | Sanskrit |
| Classification | Book_Devnagari & agam_gyatadharmkatha |
| File Size | 20 MB |