Page Text
________________
-V.59]
नायाधम्मकाओ
थावच्चाए गाहावइणीए भवणे तेणेव उवागच्छइ २ थावच्चापुत्तं एवं
वयासी माणं तुमं देवाणुप्पिया ! मुंडे भवित्ता फव्वयाहि । भुंजाहि णं देवाणुप्पिया ! विपुले माणुस्सर कामभोगे मम बाहुच्छायपरिग्गहिए । केवलं देवाणुप्पियस्स नो संचाएमि वाउकायं उवरिमेणं गच्छमाणं निवारित्तए । अन्ने णं देवाणुप्पियस्स जं किंचि आबाहं वा विवाहं वा उप्पीएइ तं सव्वं निवारेमि । तए णं से थावच्चापुत्ते कण्हेणं बासुदेवेणं एवं वृत्ते समाणे कण्हं वासुदेवं एवं बयासी - जइ णं देवाणु - पिया ! मम जीवियंतकरणिज्जं मच्चुं एज्जमाणं निवारेसि जरं वा सरीररूवविणासाणं सरीरं अइवयमाणिं निवारेसि तए णं अहं तव बाहुच्छायापरिग्गहिए विउले माणुस्सर कामभोगे भुंजमाणे विहरामि । तए णं से कण्डे बासुदेवे थावच्चापुत्तेणं एवं वुत्ते समाणे थावच्चापुत्तं एवं बयासी - एए णं देवाणुप्पिया दुरइक्कमणिज्जा । नो खलु सक्का सुबलिएणावि देवेण वा दाणवेण वा निवारित्तए ननत्थ अप्पणो कम्मखएणं । तए णं से थावच्चापुत्ते कण्हं वासुदेवं एवं वयासी – जइ णं एए दुरइक्कमणिज्जा नो खलु सक्का सुबलिएणावि देवेण वा दाणवेण वा निवारित्तए नन्नत्थ अप्पणो कम्मक्खएणं तं इच्छामि णं देवाणुप्पिया ! अन्नाणमिच्छत्त अविरइकसायसंचियस्स अत्तणो कम्मक्खयं करित्तए । तए णं से कण्हे वासुदेवे थावच्चापुत्तेणं एवं बुत्ते समाणे कोडुंबिय पुरिसे सहावेइ २ एवं वयासी - गच्छह णं देवाणुप्पिया ! बारवईए नयरीए सिंघाडगतिग जाव पहेसु य हत्थिखंधवरगया महया २ सणं उग्घोसेमाणा २ उग्घोसणं करेह एवं खलु देवाणुप्पिया ! थावच्चापुत्ते संसारभव्विग्गे भीए जम्मणभरणाणं इच्छइ अरहओ अरिट्ठनेमिस्स अंतिए मुंडे भवित्ता पव्वइत्तए । तं जो खलु देवाणुप्पिया ! राया वा जुबराया वा देवी वा कुमारे वा ईसरे वा तलवरे वा कोडुं - बियमाडंबियइब्भसेट्ठिसेणावइसत्थवाहे वा थावच्चापुत्तं पव्वयंतमणुपव्वयइ तस्स णं कण्हे वासुदेवे अणुजाणइ पच्छाउरस्स वि य से मित्तनाइनियगसंबंधिपरिजणस्स जोगक्खेमं बट्टमाणं पडिबहइ तिकट्टु घोसणं
-
71
| SR No. | 022565 |
| Book Title | Nayadhamma Kahao |
| Original Sutra Author | N/A |
| Author | N V Vaidya |
| Publisher | N V Vaidya |
| Publication Year | 1940 |
| Total Pages | 254 |
| Language | Sanskrit |
| Classification | Book_Devnagari & agam_gyatadharmkatha |
| File Size | 20 MB |