Page Text
________________
नायाधम्मकहाओ -- [V.59इसारा जाव गणियासहस्साई कोमुईयाए भेरीए सई सोच्चा निसम्म हट्टतुट्ठा जाव व्हाया आविद्धवग्धारियमल्लदामकलावा अहयवत्थचंदणोक्खिन्नगायसरीरा अप्पेगइया हयगया एवं गयगया रहसीयासंदमाणीगया अप्पेगइया पायविहारचारणं पुरिसवग्गुरापरिक्खित्ता कण्हस्स वासुदेवस्स अंतिए पाउन्भवित्था । तए णं से कण्हे वासुदेवे समुद्दविजयपामोक्खे दस दसारे जाव अंतियं पाउब्भवमाणे पासित्ता हतुढे जाव कोडुबियपुरिसे सहावेइ २ एवं वयासी - खिप्पामेव भो देवाणुप्पिया ! चाउरंगिणिं सेणं सज्जेह विजयं च गंधहत्यिं उवट्ठवेह । तेवि तहेव उवट्ठवेंति जाव पज्जुवासंति ।
(54) थावच्चापुत्ते वि निग्गए जहा मेहे तहेव धम्म सोच्चा निसम्म जेणेव थावच्चा गाहावइणी तेणेव उवागच्छइ २ पायग्गहणं करेइ जहा मेहस्स तहा चेव निवेयणा जाहे नो संचाएइ विसयाणुलोमाहि य विसयपडिकूलाहि य बहूहिं आघवणाहि य पन्नवणाहि य सन्नवणाहि य विनवणाहि य आघवित्तए वा ४ ताहे अकामिया चेव थावच्चापुत्तस्स निक्खमणमणुमन्नित्थी । तए णं सा थावच्चा आसणाओ अब्भुढेइ २ महत्थं महग्धं महरिहं रायारिहं पाहुडं गेण्हइ २ मित्त जाव संपरिखुडा जेणेव कण्हस्स वासुदेवस्स भवणवरपडिदुवारदेसभाए तेणेव उवागच्छइ २ पडिहारदेसिएणं मग्गणं जेणेव कण्हे वासुदेवे तेणेव उवागच्छइ २ करयल जाव वद्धावेइ २ तं महत्थं ३ पाहुडं उवणेइ २ एवं वयासी- एवं खलु देवाणुप्पिया । मम एगे पुत्ते थावच्चापुत्ते नाम दारए इढे जाव संसारभउव्विग्गे भीए इच्छइ अरहओ अरिहनेमिस्स जाव पव्वइत्तए । अहं णं निक्खमणसकारं करेमि । इच्छामि णं देवाणुप्पिया! थावच्चापुत्तस्स निक्खममाणस्स छत्तमउडचामराओ य विदिनाओ । तए णं कण्हे वासुदेवे थावश्चागाहावाणं एवं वयासी- अच्छाहि णं तुमं देवाणुप्पिए ! सुनिव्वुयवीसत्था । अहं णं सयमेव थावच्चापुत्तस्स दारगस्स निक्खमणसकारं करिस्सामि । तए णं से कण्हे वासुदेवे चाउरंगिणीए सेणाए विजयं हैत्थिरयणं दुरुढे समाणे जेणेव
| SR No. | 022565 |
| Book Title | Nayadhamma Kahao |
| Original Sutra Author | N/A |
| Author | N V Vaidya |
| Publisher | N V Vaidya |
| Publication Year | 1940 |
| Total Pages | 254 |
| Language | Sanskrit |
| Classification | Book_Devnagari & agam_gyatadharmkatha |
| File Size | 20 MB |