Page Text
________________
नावाधम्ममहाओ
॥ पंचमं अज्झयणं ॥
(57) जइ णं भंते! समणेणं ३ चउत्थस्स नायज्झयणस्स अयमट्ठे पन्नत्ते पंचमस्स नायज्झयणस्स के अट्ठे पत्ते ? एवं खलु जंबू ! ते काणं २ बारवई नामं नयरी होत्था पाईणपडीणायया उदीणदाहिणवित्थिण्णा नवजोयणवित्थिण्णा दुवालसजोयणायामा धणवइमइनिम्माया चामीयरपवरपागारा नाणामणिपंचवण्णकविसीसगसोहिया अलयापुरिसंकासा पमुइयपक्कीलिया पञ्चक्खं देवलोगभूया । तीसे णं बारबईए नयरीए बहिया उत्तरपुरत्थिमे दिसीभाए रेवयगे नामं पब्वए होत्था तुंगे गगणतलमगुलिहंत सिहरे नाणाविहगुच्छगुम्मलयावल्लिपरिगए हंसमियमयूरकोंच सारसचक्कवायमयणसाल को इलकुलोववेए अणेगतडकडगवियर उज्झरपवाय पब्भारसिहरपंउरे अच्छर गणदेवसंघचारणविज्जाहरमिहुणसंविचिण्णे निच्चच्छणए दसारखरवीरपुरिसते लोकब लवगाणं सोमे सुभगे पियदंसणे सुरूवे पासाईए ४ । तस्स णं रेवयगस्स अदूरसामंते एत्थ णं नंदणवणे नामं उज्जाणे होत्था सव्वज्य पुप्फफलसमिद्धे रम्मे नंदणवणप्पगासे पासाईए ४ । तस्स णं उज्जाणस्स बहुमज्झदेसभाए सुरप्पिए नामं जक्खाययणे होत्था वण्णओ । तत्थ णं बारवईए नयरीए कण्हे नामं वासुदेवे राया परिवसइ । से णं तत्थ समुद्दविजयपामोI क्खाणं दसण्हं दसाराणं बलदेवपामोक्खाणं पंचण्हं महावीराणं उग्गसेणपामोक्खाणं सोलसण्डं राईसहस्साणं पज्जुन्नपामोक्खाणं अद्भुट्ठाणं कुमारकोडीणं संवपामोक्खाणं सट्ठीए दुद्दंतसाहस्सीणं वीरसेणपामोक्खाणं एक्कवीसाए बीरसाहस्सीणं महासेणपामोक्खाणं छप्पन्नाए बलवगसाहस्सीणं रुप्पिणिपामोक्खाणं बत्तीसाए महिलासाहस्सीणं अणंगसेणापामोक्खाणं अणेगाणं गणियासाइस्सीणं अन्नेसि च बहूणं राईसरतलवर जाव सत्थवहपभिईणं वेयडगिरिसागरपेरंतस्स य दाहिणड्डूभरहस्स य बारवईए नयरीए आहेवच्चं जाव पालेमाणे विहरइ ।
68
- [V.57
(58) तत्थ णं बारवईए थावच्चा नामं गाहावइणी परिवसइ अड्डा जाव अपरिभूया । तीसे णं थावच्चाए गाहावंइणीए पुत्ते थावच्चापुत्ते
| SR No. | 022565 |
| Book Title | Nayadhamma Kahao |
| Original Sutra Author | N/A |
| Author | N V Vaidya |
| Publisher | N V Vaidya |
| Publication Year | 1940 |
| Total Pages | 254 |
| Language | Sanskrit |
| Classification | Book_Devnagari & agam_gyatadharmkatha |
| File Size | 20 MB |