Page Text
________________
नायाधम्मकहाओ
[III.54सारक्खमाणीओ संगोवेमाणीओ विहरिस्संति । तए णं अम्हं एत्थ दो कीलावणगा मयूरपोयगा भविस्संति तिकटु अन्नमन्नस एयमह पडिसुणेति २ सए सए दासचेडए सदाति २ एवं वयासी- गच्छहे णं तुब्भे देवाणुप्पिया! इमे अंडए गहाय सगाणं कुक्कुडीणं अंडएसु पक्खिवह जाव ते पक्खिवेति । तए णं ते सत्थवाहदारगा देवदत्ताए गणियाए साद्धं सुभूमिभागस्स उज्जाणसिरिं पच्चणुभवमाणा विहरित्ता तमेव जाणं दुरूढा समाणा जेणेव चंपा नयरी जेणेव देवदत्ताए गणियाए गिहे तेणेव उवागच्छंति २ देवदत्ताए गिहं अणुप्पविसंति २ देवदत्ताए गणियाए विउलं जीवियारिहं पीइदाणं दलयंति २ सकारेंवि सम्माणति २ देवदत्ताए गिहाओ पडिनिक्खमंति २ जेणेव सयाई २ गिहाई तेणेव उवागच्छंति २ सकम्मसंपत्ता जाया यावि होत्था । . (54) तत्थ णं जे से सागरदत्तपुत्ते सत्थवाहदारए से णं कल्लं जाव जलंते जेणेव से वणमयूरीअंडए तेणेव उवागच्छइ २ तांस मयूरीअंडयंसि संकिए कंखिए विइगिच्छसमावन्ने भेयसमावन्ने कलुससमावन्ने किन्नं ममं एत्थ कीलावणए मयूरपोयए भविस्सइ उदाहु नो भविस्सइ त्तिकटु तं मयूरीअंडयं अभिक्खणं २ उव्वत्तेइ परियत्तेइ आसारेइ संसारेइ चालेइ फंदेइ घट्टेइ खोभेइ अभिक्खणं २ कण्णमूलंसि टिट्टियावेइ । तए णं से वणमयूरीअंडए अभिक्खणं २ उव्वत्तिज्जमाणे जाव टिट्टियावेज्जमाणे पोच्चडे जाए यावि होत्था । तए णं से सागर दत्तपुत्ते सत्थवाहदारए अन्नया कयाई जेणेव से वणमयूरीअंडए तेणेव उवागच्छइ २ तं मयूरीअंडयं पोच्चडमेव पासइ २ अहो णं ममं एत्थ कीलावणए मयूरपोयए न जाए त्तिकटु ओहयमण जाव झियायइ । एवामेव समणाउसो ! जो अम्हं निग्गंथो वा २ आयरियउवज्झायाणं अंतिए पव्वइए समाणे पंचमहव्वएसु जाव छज्जीवनिकाएसु निग्गंथे पावयणे संकिए जाव कलुससमावन्ने से णं इहभवे चेव बहूणं समणाणं २ बहूणं सावगाणं सावियाणं हीलणिज्जे निंदणिज्जे खिंसणिज्जे गरहणिज्जे परिभवणिज्जे परलोए विय णं आगच्छइ बहूणि दंडणाणि य जाव ससारं अणुपरियट्टइ ।
| SR No. | 022565 |
| Book Title | Nayadhamma Kahao |
| Original Sutra Author | N/A |
| Author | N V Vaidya |
| Publisher | N V Vaidya |
| Publication Year | 1940 |
| Total Pages | 254 |
| Language | Sanskrit |
| Classification | Book_Devnagari & agam_gyatadharmkatha |
| File Size | 20 MB |