Page Text
________________
-III.53]
जेणेव सत्यवाहदारगा तेणेव उवागया । तए णं ते सत्थवाहदारगा देवदत्ताए गणियाए सद्धिं जाणं दुरूहंति २ चंपाए नयरीए मझमझेणं जेणेव सुभूमिभागे उज्जाणे जेणेव नंदापोक्खरिणी तेणेव उवागच्छति २ पबहणाओ पच्चोरुहंति २ नंदापोक्खरिणी ओगाहेंति २ जलमज्जणं करेंति जलकिडू करेंति व्हाया देवदत्ताए सद्धिं पच्चुत्तरंति जेणेव थूणामंडवे तेणेव उवागच्छंति २ अणुप्पविसंति २ सव्वालंकारभूसिया आसत्था वीसत्था सुहासणवरगया देवदत्ताए सद्धिं तं विपुलं असणं १ धूवपुप्फगंधवत्थं आसाएमाणा विसाएमाणा परिभाएमाणा परि जंति एवं च णं विहरंति जिमियभुत्तुत्तरागया वि य णं समाणा आयंता देवदत्ताए सद्धिं विपुलाई कामभोगाई भुंजमाणा विहरति ।।
___(52) तए णं ते सत्यवाहदारगा पुवावरण्हकालसमयसि देवदत्ताए गणियाए सद्धिं थूणामंडवाओ पडिनिक्खमंति २ हत्थसंगेल्लीए सुभूमिभागे बहूसु आलिघरएसु जाव कुसुमघरएसु य उजाणसिरिं पच्चणुब्भवमाणा विहरंति ।
(53) तए णं ते सत्यवाहदारगा जेणेव से मालुयाकच्छए तेणेव पहारेत्थ गमणाए । तए णं सा वणमयूरी ते सत्थवाहदारए एज्जमाणे पासइ २ भीया तत्था महया २ सद्देणं केकारवं विणिमुयमाणी २ मालुयाकच्छाओ पडिनिक्खमइ २ एगसि रक्खडालयंसि ठिच्चा ते सत्थवाहदारए मालुयाकच्छं च अणिमिसाए दिट्ठीए पेईंमाणी २ चिट्ठइ । तएणं ते सत्थवाहदारगा अन्नमन्नं सहावेंति २ एवं वयासी-जहा णं देवाणुप्पिया! एसा वणमयूरी अम्हे एज्जमाणे पासित्ता भीया तत्था तसिया उविग्गा पलाया महया २ सद्देणं जाव अम्हं मालुयाकच्छयं च पेच्छमाणी २ चिट्ठइ तं भवियव्वमेत्थ कारणेणं तिकटु मालुयाकच्छयं अंतो अणुप्पविसंति । तत्थ णं दो पुढे परियागए जाव पासित्ता अन्नमन्नं सहावेंति २ एवं क्यासी - सेयं खलु देवाणुप्पिया ! अम्हं इमे वणमयूरीअंडए साणं जाइमताणं कुक्कुडियाणं अंडएसु पक्खिबावित्तए । तए णं ताओ जाइमंताओ कुक्कुडियाओ एए अंडए सए य अंडए सएणं पंखवाएणं
| SR No. | 022565 |
| Book Title | Nayadhamma Kahao |
| Original Sutra Author | N/A |
| Author | N V Vaidya |
| Publisher | N V Vaidya |
| Publication Year | 1940 |
| Total Pages | 254 |
| Language | Sanskrit |
| Classification | Book_Devnagari & agam_gyatadharmkatha |
| File Size | 20 MB |