Page Text
________________
-111.55] नयाधम्मकहाओ
63 (55) तए णं से जिणदत्तपुत्ते जेणेव से मयूरीअंडए तेणेव उवागच्छइ २ तंसि मयूरीअंडयंसि निस्संकिए सुव्वत्तए णं मम एत्थ कीलावणए मयूरपोयए भविस्सइ त्तिकट्टु तं मयूरीअंडयं अभिक्खणं २ नो उव्वत्तेइ जाव नो टिट्टियावेइ । तए णं से मयूरीअंडए अणुव्वत्तिज्जमाणे जाव अटिट्टियाविज्जमाणे कालेणं समएणं उब्भिन्नमयूरपोयए एत्थ जाए । तए णं से जिणदत्तपुत्ते मयूरपोययं पासइ २ हट्ठतुढे मयूरपोसए सहावेइ २ एवं वयासी-तुब्भे णं देवाणुप्पिया ! इमं मयूरपोयगं बहूहिं मयूरपोसणपाओग्गेहिं दव्वेहिं अणुपुव्वेणं सारक्खमाणा संगोवेमाणा संवह नटुल्लगं च सिक्खावेह । तए णं ते मयूरपोसगा जिणदत्तस्स पुत्तस्स एयमढे पडिसुणेति २ तं मयूरपोयगं गेण्हंति जेणेव सए गिहे तेणेव उवागच्छंति २ तं मयूरपोयगं जाव नटुल्लगं सिक्खावेति । तए णं से वणमयूरपोयए उम्मुक्कबालभावे विनाय जाव लक्खणवंजणगुणोवए माणुम्माणप्पमाणपडिपुण्णपक्खपेहुणकलावे विचित्तपिच्छसत्तचंदए नीलकंठए नच्चणसीलए एगाए चप्पुडियाए कयाए समाणीए अणेगाइं नटुल्लगसयाई केकारवसयाणि य करेमाणे विहरइ । तए णं ते मयूरपोसगातं मयूरपोयगं उम्मुक्त जाव करमाणं पासित्ताणं तं मयूरपोयगं गेण्हति २ जिणदत्तपुत्तस्स उवणेति। तएणं से जिणदत्तपुत्ते सत्थवाहदारए मयूरपोयगं उम्मुक्क जाव करेमाणं पासित्ता हट्ठतुढे तेसिं विपुलं जीवियारिहं पीइदाणं दलयइ २ पडिविसज्जेइ । तए णं से मयूरपोयगे जिणदत्तपुत्तेणं एगाए चप्पुडियाए कयाए समाणीए नंगोलामंगसिरोधरे सेयावंगे ओरोलियपइण्णपक्खे उक्खित्तचंदकाइयकलावे केक्काइयसयाणि विमुंच. माणे नच्चइ । तए णं से जिणदत्तपुत्ते तेणं मयूरपोयएणं चंपाए नयरीए सिंघाडग जाव पहेसु सएहि य साहस्सिएहि य सयसाहस्सिएहि स पणिएहि य जयं करेमाणे विहरइ । एवामेव समणाउसो ! जो अम्हं निग्गंथो बा २ पम्वइए समाणे पंचमहब्बएसु छजीवनिकाएसु निग्गथे पावयणे निस्संकिए निकंखिए निम्बिइगिच्छे से गं इहभवे चेव बहूणं समणाणं
| SR No. | 022565 |
| Book Title | Nayadhamma Kahao |
| Original Sutra Author | N/A |
| Author | N V Vaidya |
| Publisher | N V Vaidya |
| Publication Year | 1940 |
| Total Pages | 254 |
| Language | Sanskrit |
| Classification | Book_Devnagari & agam_gyatadharmkatha |
| File Size | 20 MB |