Page Text
________________
नाय धमकाओ
[ 1.30
रययामयं विमलसलिलपुण्णं मत्तगयमहामुहार्कइसमाणं भिंगारं महाय चिट्ठइ । तए णं तस्स मेहस्स कुमारस्स पिया कोडुंबियपुरिसे सद्दावेइ २ एवं वयासी - खिप्पामेव भो देवाणुपिया ! सरिसयाणं सरित्तयाणं सरिव्वयाणं एगाभरणगहियनिज्जोयाणं कोडुंबियवरतरुणाणं सहस्सं सद्दावेह जाव सहावेंति । तए णं ते कोडुंबियवरतरुणपुरिसा सेणियस्स रन्नो कोडुंबियपुरिसेहिं सदाविया समाणा हट्ठा हाया जाव एगाभरणगहियणिज्जोया जेणामेव सेणिए राया तेणामेव उवागच्छंति २ सोणियं रायं एवं वयासी - संदिसह णं देवाणुप्पिया । जं णं अम्हेहिं करणिज्जं । तए णं से सेणिए राया तं कोडुंबिय वरतरुणसहस्सं एवं वयासी – गच्छह णं तुब्भे देवाणुप्पिया ! मेहस्स कुमारस्स पुरिस - सहस्सवहिणीं सीयं परिवहह । तए णं तं कोडुंबिय वरतरुणसहस्सं सोणएण रन्ना एवं वृत्तं संतं हट्टं मेहस्स कुमारस्स पुरिस सहरसवाहिणीं सीयं परिवहइ । तए णं तस्स मेहस्स कुमारस्स पुरिससहस्स वाहिणि सीयं दुरूढस्स समाणस्स इमे अट्ठट्ठमंगलया तप्पढमयाए पुरओ अहाणुपुव्वी संपट्ठिया, तंजहा – सोत्थिय सिरिवच्छ नंदियावत्त वद्धमाणग भद्दासण कलस मच्छ दप्पण जावें बहवे अत्थत्थिया जाव ताहिं इट्ठाहिं जाव अणवरयं अभिनंदता य अभिथुणंता य एवं वयासी - जय २ नंदा ! जय २ भद्दा ! जय २ नंदा! भदं ते अजियं जिणाहि इंदियाई जियं च पालेहि समणधम्मं जियविग्घो वि य वसाहि तं देव ! सिद्धिमज्झे निहणाहि रागदासमल्ले तवेणं धिइधणियबद्धकच्छे मद्दाहि य अट्ठकम्मसत्तू झाणेणं उत्तमेणं सुकेणं अप्पमत्तो पावय वितिमिरमणुत्तरं केवलं नाणं गच्छ य मोक्खं परमं पयं सासयं च अयलं हंता परीसह - चमूणं अभीओ परीसहोवसग्गाणं धम्मे ते अविग्धं भवडे तिकट्टु पुणो २ मंगलजयसद्दं पउंजंति । तए णं से मेहे कुमारे रायगिहस्स नगरस्स मज्झमज्झेणं निग्गच्छइ २ जेणेव गुणसिलए चेइए तेणेव उवागच्छइ २ पुरिससहस्सवाहिणीओ सीयाओ पचोरुहइ ।
-
(30) तए णं तस्स मेहस्स कुमारस्स अम्मापियरो मेहं कुमारं पुरओ
32
| SR No. | 022565 |
| Book Title | Nayadhamma Kahao |
| Original Sutra Author | N/A |
| Author | N V Vaidya |
| Publisher | N V Vaidya |
| Publication Year | 1940 |
| Total Pages | 254 |
| Language | Sanskrit |
| Classification | Book_Devnagari & agam_gyatadharmkatha |
| File Size | 20 MB |