Page Text
________________
-1.29]
नायाधम्मकहाओ सद्दावेइ २ एवं वयासी - खिप्पामेव भो देवाणुप्पिया! अणेगखंभसयसन्निविडं लीलट्ठियसालभंजियागं ईहामियउसभतुरयनरमगरविहगवालगकिन्नररुरुसरभचमरकुंजरवणलयपउमलयभत्तिचित्तं घंटावलिमहुरमणहरसरं सुभकंतदरिसणिज्जं निउणोवियमिसिमिसेंतमाणरयणघंटियाजालपरिक्खित्तं अब्भुग्गयवइरवेइयापरिगयाभिरामं विज्जाहरजमलजंतजुत्तं पिव अच्चीसहस्समालणीयं रूवगसहस्सकलियं भिसमाणं भिब्भिसमाणं चक्खुल्लोयणलेस्सं सुहफासं सस्सिरीयरूवं सिग्धं तुरियं चवलं वेइयं पुरिससहस्सवाहिणीयं सीयं उवट्ठवेह । तए णं ते कोडंबियपुरिसा हतुट्ठ जाव उवट्ठति । तए णं से मेहे कुमारे सीयं दुरुहइ २ सीहासणवरगए पुरत्थाभिमुहे सन्निसण्णे । तए णं तस्स मेहस्स कुमारस्स माया ण्हाया कयबलिकम्मा जाव अप्पमहग्घाभरणालंकियसरीरा सीयं दुरुहइ २ मेहस्स कुमारस्स दाहिणपासे भद्दासणंसि निसीयइ । तए णं तस्स मेहस्स कुमारस्स अंबधाई रयहरणं च पडिग्गहगं च गहाय सीय दुरुहइ २ मेहस्स कुमारस्स वामपासे भदासणंसि निसीयइ । तए णं तस्स मेहस्स कुमारस्स पिट्ठओ एगा वरतरुणी सिंगारागारचारुवेसा संगयगयहसियभणियचेट्ठियविलाससंलावुल्लावनिउणजुत्तोवयारकुसला आमेलगजमलजुयलवट्टियअब्भुन्नयपीणरइयसंठियपओहरा हिमरययकुंदेदुपगासं सकोरेंटमल्लदामधवलं आयवत्तं गहाय सलीलं
ओहोरेमाणी २ चिट्ठइ । तए णं तस्स मेहस्स कुमारस्स दुवे वरतरुणीओ सिंगारागारचारवेसाओ जाव कुसलाओ सीयं दुरुहंति २ मेहस्स कुमारस्स उभओ पसं नानामणिकणगरयणमहरिहतवणिजउज्जलविचित्तदंडाओ चिल्लियाओ सुहुमवरदीहवालाओ संखकुंददगरयअमयमहियफेणपुंजसनिगासाओ चामराओ गहाय सलीलं ओहारेमाणीओ २ चिट्ठति । तए णं तस्स मेहकुमारस्स एगा वरतरुणी सिंगारा जाव कुसला सीयं जाव दुरुहइ २ मेहस्स कुमारस्स पुरओ पुरथिमेणं चंदप्पभवयरवेरुलियविमलदंडं तालियंट गहाय चिट्ठइ । तए णं तस्स मेहस्स कुमारस्स एगा वरतरुणी जाव सुरूवा सीयं दुरुहइ २ मेहस्स कुमारस्स पुव्वदक्खिणेणं सेयं
| SR No. | 022565 |
| Book Title | Nayadhamma Kahao |
| Original Sutra Author | N/A |
| Author | N V Vaidya |
| Publisher | N V Vaidya |
| Publication Year | 1940 |
| Total Pages | 254 |
| Language | Sanskrit |
| Classification | Book_Devnagari & agam_gyatadharmkatha |
| File Size | 20 MB |