Page Text
________________
30
नायाधम्मकहाओ
-
[I.29
उवागच्छइ २ सेणियं रायं करयलमंजलिं कटु एवं वयासी- संदिसह णं देवाणुप्पिया ! जं मए कराणिज्जं । तए णं से सेणिए राया कासवयं एवं वयासी - गच्छाहि णं तुम देवाणुप्पिया ! सुरभिणा गंधोदएणं निक्के हत्थपाए पक्खालेहि सेयाए चउप्फोलाए पोत्तीए मुहं बंधित्ता मेहस्स कुमारस्स चउरंगुलवज्जे निक्खमणपाउग्गे अग्गकेसे कप्पेहि । तए णं से कासवए सेणिएणं रन्ना एवं वुत्ते समाणे हट्ठ जाव हियए जाव पडिसुणेइ सुरभिणा गंधोदएणं हत्थपाए पक्खालेइ २ सुद्धवत्थेणं मुहं बंधइ २ परेणं जत्तेणं मेहस्स कुमारस्स चउरंगुलवज्जे निक्खमणपाउग्गे अग्गकेसे कप्पइ । तए णं तस्स मेहस्स कुमारस्स माया महरिहणं हंसलक्खणेणं पडसाडएणं अग्गकेसे पडिच्छइ २ सुरभिणा गंधोदएणं पक्खालेइ २ सरसेणं गोसीसचंदणेणं चच्चाओ दलयइ २ सेयाए पोत्तीए बंधइ २ रयणसमुग्गयंसि पक्खिवइ २ मंजूसाए पक्खिवइ २ हारवारिधारसिंदुवारछिन्नमुत्तावलिप्पगासाइं अंसूई विणिम्मुयमाणी २ रोयमाणी २ कंदमाणी २ विलवमाणी २ एवं वयासी- एस णं अम्हं मेहस्स कुमारस्स अब्भुदएसु य उरसवेसु य पसवेसु य तिहीसु य छणेसु य जनेमु य पव्वणीसु य अपच्छिमे दरिसणे भविस्सइ त्तिकट्टु उस्सीसामूले ठावेइ । तए णं तस्स मेहस्स कुमारस्स अम्मापियरो उत्तरावक्कमणं सीहासणं रयाति मेहं कुमारं दोच्चं पि तच्चं पि सेयापीएहिं कलसेहिं ण्हावेंति २ पम्हलसूमालाए गंधकासाइयाए गायाइं लूहति २ सरसेगं गोसीसचंदणेणं गायाइं अणुलिंपंति २ नासानीसासवायवोझं जाव हंसलक्खणं पडुसाडगं नियंसेंति २ हारं पिणद्धति २ अद्धहारं पिणद्धति २ एवं एगावलिं मत्तावालं कणगावलिं २ रयणावलिं २ पालंबं २ पायपलंबं कडगाई २ तुडिगाइं २ केऊराई २ अंगयाई २ दसमुदियाणतयं कडिसुत्तयं २ कुंडलाइं चूडामणि रयणुकडं मंउडं पिणढेति २ दिव्वं सुमणदामं पिणद्धति २ दईरमलयसुगंधिए गंधे पिणद्धति । तए णं तं मेहं कुमारं गंठिमवेढिमपूरिमसंघाइमेण चउठिवहेणं मल्लेणं कप्परुक्खगं पिव अलंकियविभूसियं करेंति । तए णं से सेणिए राया कोडुंबियपुरिसे
| SR No. | 022565 |
| Book Title | Nayadhamma Kahao |
| Original Sutra Author | N/A |
| Author | N V Vaidya |
| Publisher | N V Vaidya |
| Publication Year | 1940 |
| Total Pages | 254 |
| Language | Sanskrit |
| Classification | Book_Devnagari & agam_gyatadharmkatha |
| File Size | 20 MB |