Page Text
________________
29
-I.29]
नायाधम्मकहाओ णुप्पिया ! मेहस्स कुमारस्स महत्थं महग्धं महरिहं विउलं रायाभिसेयं उवट्ठवेह । तए णं ते कोडुंबियपुरिसा जाव ते वि तहेव उवट्ठति । तए णं से सेणिए राया बहूहिं गणनायगदंडनायगेहिं य जाव सपरिवुडे मेहं कुमारं अट्ठसएणं सोवणियाणं कलसाणं एवं रुप्पमयाणं कलसाणं सुवण्णरुप्पमयाणं कलसाणं मणिमयाणं कलसाणं सुवण्णमणिमयाणं रुप्पमणिमयाणं सुवण्णरुप्पमणिमयाणं भोमेज्जाणं सव्वोदएहिं सव्वमट्टियाहिं सव्वपुप्फेहिं सव्वगंधेहिं सव्वमल्लेहिं सव्वोसहीहिं य सिद्धत्थएहिं य सव्विड्डीए सव्वज्जुईए सव्वबलेणं जाव दुंदुभिनिग्घोसणाइयरवेणं महया २ रायाभिसे एणं अभिसिंचइ २ करयल जाव कटु एवं वयासीजय २ नंदा! जय २ भद्दा ! जय नंदा० ! भदं ते अजियं जिणाहि ! जियं पालयाहि जियमज्झे वसाहि अजियं जिणेहि सत्तुपक्खं जियं च पालेहि मित्तपक्खं जाव भरहो इव मणुयाणं रायगिहस्स नगरस्स अन्नेसिं च बहूणं गामागरनगर जाव सन्निवेसाणं आहेवञ्चं जाव विहराहि त्तिकटु जय २ सह पउंजंति । तए णं से मेहे राया जाए महया जाव विहरइ । एण णं तस्स मेहस्स रन्नो अम्मापियरो एवं वयासी-भण जाया ! किं दलयामो किं पयच्छामो किं वा ते हियइच्छिए सामत्थे ? तए णं से मेहे राया अम्मापियरो एवं वयासी- इच्छामि णं अम्मयाओ ! कुत्तियावणाओ रयहरणं पडिग्गहं च आणियं कासवयं च सहावेहँ । तए णं से सेणिए राया कोडुबियपुरिसे सहावेइ २ एवं वयासी - गच्छह णं तुब्भे देवाणुप्पिया ! सिरिघराओ तिन्नि सयसहस्साई गहाय दोहिं सयसहस्सेहिं कुत्तियावणाओ रयहरणं पडिग्गहं च उवणेह सहसहस्सेणं कासवयं सहावेह । तए णं ते कोडुंबियपुरिसा सेणिएणं रन्ना एवं वुत्ता समाणा हट्टतुट्ठा सिरिघराओ तिनि:सयसहस्साइं गहाय कुत्तियावणाओ दोहिं सयसहस्सेहिं रयहरणं पडिग्गहं च उवणेति सयसहस्सेणं कासवयं सद्दावेति । तए णं से कासवए तेहिं कोडुंबियपुरिसेहिं सहाविए समाणे हट्ट जाव हियए ण्हाए कयबलिकम्मे कयकोउयमंगलपायच्छित्ते सुद्धप्पावेसाइं वत्थाई पवरपरिहिए अप्पमहग्घाभरणालंकियसरीरे जेणेव सेणिए राया तेणेव
| SR No. | 022565 |
| Book Title | Nayadhamma Kahao |
| Original Sutra Author | N/A |
| Author | N V Vaidya |
| Publisher | N V Vaidya |
| Publication Year | 1940 |
| Total Pages | 254 |
| Language | Sanskrit |
| Classification | Book_Devnagari & agam_gyatadharmkatha |
| File Size | 20 MB |