Page Text
________________
नायाधम्मकहाओ
[1.27अज रायगिहे नयरे इंदमहे इ वा जाव गिरिजत्ता इ वा जणं एए उग्गा जाव एगदिसिं एगाभिमुहा निग्गच्छति । एवं खलु देवाणुप्पिया! समणे भगवं महावीरे आइगरे तित्थगरे इहमागए इह संपत्ते इह समोसढे इह चेव रायगिहे नगरे गुणसिलए चेइए अहापडिरूवं जाव विहरइ । ___ (26) तए णं से मेहे कुमारे कंचुइज्जपुरिसस्स अंतिए एयमढे सोच्चा निसम्म हट्टतुढे कोडुबियपुरिसे सहावेइ २ एवं वयासी - खिप्पामेव भो देवाणुप्पिया ! चाउग्घंटं आसरहं जुनामेव उवट्ठवेह जाव उवणेति । तए णं से मेहे पहाए जाव सव्वालंकारविभूसिए चाउग्घंटं आसरहं दुरूढे समाणे सकोरंटमल्लदामेणं छत्तेणं धरिज्जमाणेणं महया भडचडगरवंदपारयालसंपरिबुडे रायगिहस्स नयरस्स मज्झमझेणं निगच्छइ २ जेणामेव गुणसिलए चेहए तेणामेव उवागच्छइ २ समणस्स भगवओ महावीरस्स छत्ताइच्छत्तं पडागाइपडागं विज्जाहरचारणे जंभए य देवे ओवयमाणे पासइ २ चाउग्घंटाओ आसरहाओ पच्चोरुहइ २ समणं भगवं महावीरं पंचविहेणं अभिगमेणं अभिगच्छइ तंजहा- सचित्ताणं दव्वाणं विसरणयाए, अचित्ताणं दवाणं अविउसरणयाए, एगसाडियं उत्तरासंगकरणेणं, चक्खुफासे अंजलिपग्गहेणं, मणसो एगत्तीकरणेणं । जेणामेव समणे भगवं महावीरे तेणामेव उवागच्छइ २ समणं भगवं विक्खुत्तो आयाहिणपयाहिणं करेइ वंदइ नमसइ २ समणस्स भगवओ नच्चासन्ने नाइदूरे सुस्सूसमाणे नमसमाणे पंजलिउडे अभिमुहे विणएणं पज्जुवासइ । तए णं समणे भगवं महावीरे मेहस्स कुमारस्स तीसे य महइमहालियाए महच्चपरिसाए मझगए विचित्तं धम्ममाइक्खइ, जहा - जीवा बझंति मुच्चंति जहा य संकिलिस्संति । धम्मकहा भाणियव्वा जाव परिसा पडिगया। ___ (27) तए णं से मेहे कुमारे समणस्स भगवओ महावीरस्स अंतिए धम्म सोच्चा निसम्म हट्ठतुढे समणं भगवं महावीरं तिक्खुत्तो आयाहिणपयाहिणं करेइ २ वंदइ नमसइ २ एवं वयासी- सदहामि णं भंते ! निग्गथं पावयणं एवं पत्तियामि गं रोएमि णं अब्भुट्ठमि गं भंते !
| SR No. | 022565 |
| Book Title | Nayadhamma Kahao |
| Original Sutra Author | N/A |
| Author | N V Vaidya |
| Publisher | N V Vaidya |
| Publication Year | 1940 |
| Total Pages | 254 |
| Language | Sanskrit |
| Classification | Book_Devnagari & agam_gyatadharmkatha |
| File Size | 20 MB |