Page Text
________________
नायाधम्मकहाओ
[1.17दोच्चंपि कोडुंबियपुरिसे सहावेइ २ एवं वयासी - खिप्पामेव भो देवाणुप्पिया ! हयगयरहजोहपक्रकलियं चाउरंगिणिं सेणं सन्नाहेह सेयणयं च गंधहत्थिं परिकप्पेह । तेवि तहेव जाव पच्चप्पिणति । तए णं से सेणिए राया जेणेव धारिणी देवी तेणेव उवागच्छइ २ धारिणं देवि एवं क्यासी -एवं खलु देवाणुप्पिए ! सगज्जिया जाव पाउससिरी पाउन्भूया । तं णं तुमं देवाणुप्पिए ! एयं अकालदोहलं विणेहि । तए णं सा धारिणी देवी सेणिएणं रन्ना एवं वुत्ता समाणी हट्टतुट्ठा जेणामेव मज्जणघरे तेणेव उवागच्छइ २ मज्जणघरं अणुप्पविसइ २ अंतो अंतेउरंसि व्हाया कयबलिकम्मा कयकोउयमंगलपायच्छित्ता किं ते वरपायपत्तनेउर जाव आगासफालियसमप्पभं अंसुयं नियत्था सेयणयं गंधहत्थि दुरूढा समाणी अमयमहियफेणपुंजसन्निगासाहिं सेयचामरवालवीयणीहिं वीइज्जमाणी २ संपत्थिया । तए णं से सेणिए राया बहाए कयबलिकम्मे जाव सस्सिरीए हत्थिखंधवरगए सकोरेंटमल्लदामेणं छत्तेणं धरिज्जमाणेणं चउचामराहिं वीइज्जमाणे धारिणीदेवीं पिट्ठओ अणुगच्छइ । तए णं सा धारिणीदेवी सेणिएणं रन्ना हत्थिखंधवरगएणं पिट्ठओ २ समणुगम्ममाणमग्गा हयगयरहजोहकलियाए चाउरंगिणीए सेणाए सद्धिं संपरिघुडा महया भडचडगरवंदपरिक्खित्ता सव्विड्डीए सव्वज्जुईए जाव दुंदुभिनिग्घोसनाइयरवेणं रायगिहे नयरे सिंघाडगतिगचउक्कचच्चर जाव महापहेसु नौगरजणेणं अभिनंदिज्जमाणी २ जेणामेव वेभारगिरिपव्वए तेणामेव उवागच्छइ वेभारगिरिकडगतडपायमूले आरामेसु य उज्जाणेसु य काणणेसु य वणेसु य वणसंडेसु य रुक्खेसु य गुच्छेसु य गुम्मेसु य लयासु य वल्लीसु य कंदरासु य दरीसु य चुण्ढीसु य दहेसु य कच्छेसु य नदीसु य संगमेसु य विवरएसु य अच्छमाणी य पेच्छमाणी य मज्जमाणी य पत्ताणि य पुप्फाणि य फलाणि य पल्लव्वाणि य गिण्हमाणी य माणेमाणी य अग्घायमाणी य परिभुजमाणी य परिभाएमाणी य वेभारगिरिपायमूले दोहलं विणेमाणी सव्वओ समंता आहिंडइ । तए णं सा धारिणीदेवी तंसि अकाल
| SR No. | 022565 |
| Book Title | Nayadhamma Kahao |
| Original Sutra Author | N/A |
| Author | N V Vaidya |
| Publisher | N V Vaidya |
| Publication Year | 1940 |
| Total Pages | 254 |
| Language | Sanskrit |
| Classification | Book_Devnagari & agam_gyatadharmkatha |
| File Size | 20 MB |