Page Text
________________
"212
मागचन्मकहाओ XVIII.112. निख्वाहित्तए ताहे संते तंते परितंते नीलुप्पलगक्लं असिं परामुसइ २ सुंसुमाए दारियाए उत्तमंगं छिंदइ २ तं गहाय तं ओगामियं अडविं अणुप्पविढे । तए णं से चिलाए तीसे अगामियाए अडवीए तण्हाए छुहाए अमिभूए समाणे पम्हढदिसाभाए सीहगुहं चोरपल्लिं असंपत्ते अंतरा चेव कालगए । एवामेव समणाउसो ! जाव पव्वइए समाणे इमस्स ओरालियसरीरस्स वंतासवस्स जाव विद्धंसणधम्मस्स वण्णहेउं वा जाव आहारं आहारेइ से णं इहलोए चेव बहूणं समणाणं ४ हीलणिजे नाव अणुपरियट्टिस्सइ जहा व से चिलाए तकरे। तए णं से धणे सत्थवाहे पंचहिं पुत्तेहि अप्पछडे चिलायं तीसे अगामियाए सव्वओ समंता परिधाडेमाणे २ संते तते परितंते नो संचाएइ चिलायं चोरसेणावई साहत्यि गिण्हित्तए । से णं तओ पडिनियत्तइ २ जेणेव सा सुंसुमा बालिया चिलाएणं जीवियाओ ववरोविया तेणेव उवागच्छइ २ सुसुमं दारियं चिलाएणं जीवियाओ ववरोवियं पासइ २ पैरसुनियत्तेव्व चंपगपायवे० । तए णं से धणे सत्थवाहे अप्पछडे आसत्थे कूवमाणे कंदमाणे विलवमाणे महया २ सद्देणं कुहुकुहुस्स परुन्ने सुचिरकालं बाहप्पमोक्खं करेइ । तए णं से धणे सत्थवाहे पंचहिं पुत्तेहिं अप्पछट्टे चिलायं तीसे आगामियाए सव्वओ समंता परिधाडेमाणे तण्हाए छुहाए य परभंते समाणे तीसे आगामियाए अडवीए सव्वओ समंता उदगस्स मग्गणगवेसणं करेइ २ संते तंते परितंते निविण्णे समाणे तीसे आगामियाए उदगं अणासाएमाणे जेणेव सुसुमा जीवियाओ ववरोविया तेणेव उवागच्छइ २ जेडं पुत्तं धणे सहावेइ २ एवं वयासी – एवं खलु पुत्ता! सुंसुमाए दारियाए अट्ठाए चिलायं तकरं सव्वओ समंता परिधाडेमाणा तण्हाए छुहाए य अभिभूया समाणा इमीसे आगामियाए अडवीए उदगस्स मम्गणगवेसणं फरेमाणा नो चेव णं उदगं आसादेमो । तए णं उदगं अणासाएमाणा नो संचाएमो रायगिहं संपावित्तए । तणं तुब्भे ममं देवाणुप्पिया ! जीवियाओ ववरोवेह मम मंसं च सोणियं च आहारेह तेणं आहारेणं अवर्थद्धा समाणा तओ पच्छा इमं आगामियं अडविं नित्थरिहिह
| SR No. | 022565 |
| Book Title | Nayadhamma Kahao |
| Original Sutra Author | N/A |
| Author | N V Vaidya |
| Publisher | N V Vaidya |
| Publication Year | 1940 |
| Total Pages | 254 |
| Language | Sanskrit |
| Classification | Book_Devnagari & agam_gyatadharmkatha |
| File Size | 20 MB |