Nayadhamma Kahao

SR No.: 022565
Original Sutra Author: N/A
Author: N V Vaidya
Publisher: N V Vaidya
Publication Year: 1940
Total Pages: 254
Language: Sanskrit
Classification: Book_Devnagari & agam_gyatadharmkatha
File Size: 20 MB

Page 199

192
नायाधम्मकहाओ (XVI.129जाव उषणेति। तए णं से पउमनाहे सन्नद्ध० अभिसेयं दुरुहइ २ हयगय जेणेव कण्हे वासुदेवे तेणेव पहारेत्थ गमणाए । तए णं से कण्हे वासुदेवे पउमनाभं रायाणं एजमाणं पासइ २ ते पंच पंडवे एवं वयासी - हं भो दारगा ! किन्नं तुब्भे पउमनाभेणं सद्धिं जुझिहह उयाहु पिच्छहह ? तए ण ते पंचपंडवा कण्हं वासुदेवं एवं वयासी - अम्हे णं सामी ! जुज्झामो तुब्भे पेच्छह । तए थे पंचपंडवा सन्नद्ध जाव पहरणा रहे दुरूहंति २ जेणेव पउमनाभे राया तेणेव उवागच्छंति २ एवं वयासी- अम्हे वा पउमनाभे वा राय त्तिकटु पउमनाभेणं सद्धिं संपलग्गा यावि होत्था । तए णं से पउमनाभे राया ते पंचपंडवे खिप्पामेव यमहियपवरविवडियचिंधधयपडागे जाव दिसोदिसि पडिसेहेइ । तए णं ते पंचपंडवा पउमनाभेणं रन्ना हयमहियपवरविवडिय जाव पडिसेहिया समाणा अत्थामा जाव अधारणिजमित्तिकटु जेणेव कण्हे वासुदेवे तेणेव उवागच्छंति । तए णं से कण्हे वासुदेवे ते पंचपंडवे एवं वयासी- कहण्णं तुब्भे देवाणुप्पिया ! पउमनाभेणं रन्ना सद्धिं संपलग्गा ? तए णं ते पंचपंडवा कण्हं वासुदेवं एवं वयासी- एवं खलु देवाणुपिया! अम्हे तुब्भेहिं अब्भणुनाया समाणा सन्नद्धा० रहे दुरूहामो २ जेणेव पउमनाभे जाव पडिसेहेइ । तए णं से कण्हे वासुदेवे ते पंचपंडवे एवं वयासी - जइ णं तुम्भे देवाणुप्पिया ! एवं वयंता- अम्हे नो पउमनाभे रायत्तिकटु पउमनाभेणं सद्धिं संप्पलग्गंता तो णं तुब्भे नो पउमंनाभे हयमहियपवर जाव पडिसेहित्था । तं पेच्छह णं तुब्भे देवाणुप्पिया ! अहं नो पउमनाभे रायत्तिकटु पउमनाभेणं रन्ना सद्धिं जुज्झामि रहं दुरूहइ २ जेणेव पउमनामे राया तेणेव उवागच्छइ २ सेयं गोखीरहारधवलं तर्णसोल्लियसिंदुवारकुंदेंदुसन्निगासं निययस्स बलस्स हरिसजणणं रिउसेन्नविणासकरं पंचजन्नं संखं परामुसइ २ मुहवायपूरियं करेइ । तए णं तस्स पउमनाभस्स तेणं संख्सद्देणं बलतिभाए हए जाव फडिसेहिए । तए णं से कण्हे वासुदेवे धणुं परामुसइ वेढो धणुं पूरेइ २ धणुसहं करेइ । तए णं तस्स पउमनाभस्स दोचे बलतिभाए तेणं धणुसहेणं हयमहिय जाव पडिसेहिए।