Page Text
________________
191
-XVI.129]
नायाधम्मक हाओ
वीईवयइ २ जेणेव अवरकंका रायहाणी जेणेव अवरकंकाए रायहाणीए अग्गुज्जाणे तेणेव उवागच्छइ २ रहं ठावेइ २ दारुयं सारहिं सहावेइ २ एवं वयासी - गच्छह णं तुमं देवाणुप्पिया ! अवरकंकारायहाणि अणु
विसाहि २ पउमनाभस्स रन्नो वामेणं पाएणं पायपीढं अवक्कमित्ता कुंतग्गेणं लेहं पणामेहि तिवलियं भिउडिं निडाले साहट्टु आसुरुते रुट्ठे कुद्धे कुविए चंडिक्किए एवं वयासी - हं भो पउमनाभा ! अपत्थियपत्थिया दुरंत पंतलक्खणा हीणपुण्णचाउहसा सिरिहिरिधिईपरिवज्जिया ! अज्ज न भवसि ! किन्नं तुमं न याणासि कण्हस्स वासुदेवस्स भागणिं दोवई देवि इहं हव्यमाणे माणं ? तं एयमवि गए पञ्चपिणाहि णं तुमं दोवई देवि कण्हस्स वासुदेवस्स अहव णं जुद्धसज्जे निग्गच्छाहि । एस णं कण्हे वासुदेवे पंचहिं पंडवेहिं सद्धि अप्पछट्ठे दोवईए देवीए कुवं हव्वमागए । तए णं से दाए सारही कण्हेणं वासुदेवेणं एवं वृत्ते समाणे हट्ठतुट्ठे पडिसुणेइ २ अवरकंकं रायहाणि अणुपविसइ २ जेणेव पउमनाभे तेणेव उवागच्छइ २ करयल जाव वद्धावेत्ता एवं वयासी - एस णं सामी ! मम विणयपडिवत्ती इमा अन्ना मम सानिस समुहाणत्ति त्तिकट्टु आसुरुत्ते वामपारणं पायपीढं अवक्कमंइ २ कुंतग्गेणं लेहं पणामेइ जाव कूवं हव्वमा गए । तए णं से पउमनाभे दारुणं सारहिणा एवं वुत्ते समाणे आसुरुत्ते तिवलिं भिउडिं निडाले साहट्टु एवं वयासी - न अप्पिणामि णं अहं देवाणुपिया ! कण्हस्स वासुदेवस्स दोवई । एस णं अहं सयमेव जुज्झसज्जे निग्गच्छामि त्तिकट्टु दारुयं सारहिं एवं बयासी – केवलं भो ! रायसत्थेसु दूए अवज्झे तिकट्टु असक्कारियं असम्माणियं अवदारणं निच्छुभावेइ । तए णं से दारुए सारही पउमनाभेणं असक्कारियं जाव निच्छुढे समाणे जेणेव कण्हे वासुदेवे तेणेव उवागच्छइ २ करयल जाव कण्हं एवं वयासी - एवं खलु अहं सामी ! तुब्भं वयणेणं जाव निच्छुभावेइ । तए णं से पउमनाभे बलवाडयं सद्दावेइ २ एवं वयासी - खिप्पामेव भो देबाणुप्पिया ! आभिसेकं इत्थिरयणं पडिकप्पेह । तयानंतरं च णं छेयायरियड समविकप्पणाहि
-
| SR No. | 022565 |
| Book Title | Nayadhamma Kahao |
| Original Sutra Author | N/A |
| Author | N V Vaidya |
| Publisher | N V Vaidya |
| Publication Year | 1940 |
| Total Pages | 254 |
| Language | Sanskrit |
| Classification | Book_Devnagari & agam_gyatadharmkatha |
| File Size | 20 MB |