Page Text
________________
नायाधम्मकहाओ . [L.14माणी दीणा दुम्मणा निराणंदा भूमिगयदिट्ठीया ओहयमणसंकप्पा जाव झियाइ । तए णं तीसे धारिणीए देवीए अंगपडियारियाओ अभितरियाओ दासचेडियाओ धारिणी देवी ओलुग्गं जाव झियायमाणिं पासंति २ एवं वयासी-किन्नं तुमे देवाणुप्पिए ! ओलुग्गा ओलुग्गसरीरा नाव झियायसि? तए णं सा धारिणी देवी ताहिं अंगपडियारियाहिं अभितरियाहिं दासचोडियाहिं य एवं वुत्ता समाणी ताओ चेडियाओ नो आढाइ नो परियाणाइ अणाढायमाणी अपरियाणमाणी तुसिणीया चिट्ठइ । तए णं ताओ अंगपडियारियाओ अभितरियाओ दासचेडीओ धारिणं देविं दोच्चं पि तच्चं पि एवं वयासी-किन्नं तुमे देवाणुप्पिए! ओलुग्गा ओलुग्गसरीरा जाव झियायसि ? तए णं सा धारिणी देवी ताहिं अंगपडियारियाहिं अभितरियाहिं य दासचेडीहिं दोच्चं पि तच्चं पि एवं वुत्ता समाणी नो आढाइ नो परियाणाइ अणाढायमाणी अपरियाणमाणी तुसिणीया संचिट्ठइ । तए णं ताओ अंगपडियारियाओ दासचेडियाओ य धारिणीए देवीए अणाढाइज्जमाणीओ अपरिजाणिज्जमाणीओ तहेव संभंताओ समाणीओ धारिणीए देवीए अंतियाओ पडिनिक्खमंति २ जेणेव सेणिए राया तेणेव उवागच्छंतिर करयलपरिग्गहियं जाव कटु जएणं विजएणं वद्धावेंति २ एवं वयासी-एवं खलु सामी ! किंपि अज्ज धारिणी देवी ओलुग्गा ओलुग्गसरीरा जाव अट्टज्झाणोवगया झियायइ । तए णं से सोणए राया तासिं अंगपडियारियाणं अंतिए एयमढे सोच्चा निसम्म तहेव संभंते समाणे सिग्धं तुरियं' चवलं वेइयं जेणेव धारिणी देवी तेणेव उवागच्छइ २ धारिणं देविं ओलुग्गं
ओलुग्गसरीरं जाव अट्टज्झाणोवगयं झियायमाणिं पासइ २ एवं वयासीकिन्नं तुमं देवाणुप्पिए ! ओलुग्गा ओलुग्गसरीरा जाव अट्टज्झाणोवगया झियायसि ? तए णं सा धारिणी देवी सेणिएणं रन्ना एवं वुत्ता समाणी नो आढाइ जाव तुसिणीया संचिट्ठइ । तए णं सेणिए राया धारिणं देविं दोच्चं पि तच्चं पि एवं वयासी-किन्नं तुमं देवाणुप्पिए! ओलुग्गा जाव झियायसि ? तएणं सा धारिणी देवी सेणिएणं रन्ना दोच्चं पि तच्चं पि एवं वुत्ता समाणी नो आढाइ नो परियाणाइ तुसिणीया संचिट्ठह । तए
| SR No. | 022565 |
| Book Title | Nayadhamma Kahao |
| Original Sutra Author | N/A |
| Author | N V Vaidya |
| Publisher | N V Vaidya |
| Publication Year | 1940 |
| Total Pages | 254 |
| Language | Sanskrit |
| Classification | Book_Devnagari & agam_gyatadharmkatha |
| File Size | 20 MB |