Page Text
________________
180
.. नायाधम्मकहाओ XVI.123वासुदेवपामोक्खाणं रायसहस्साणं आवासेसु साहरह । ते वि साहरति । तए णं ते वासुदेवपामोक्खा तं विपुलं असणपाणखाइमसाइमं जाव पसन्नं च आसाएमाणा ४ विहरंति जिमियभुत्तुत्तरागया वि य गं समाणा आयंता चोक्खा जाव सुहासणवरगया बहूहिं गंधव्वेहिं जाव विहरति । तए णं से दुवए राया पुत्वावरण्हकालसमयांस कोडुंबियपुरिसे सहावेइ २ एवं वयासी- गच्छह णं तुन्भे देवाणुप्पिया! कंपिल्लपुरे सिंघाडग जाव पहेसु वासुदेवपामोक्खाण य रायसहस्साणं आवासेसु हत्थिखंधवरगया महया २ सद्देणं जाव उग्धोसेमाणा २ एवं वयह- एवं खलु देवाणुप्पिया ! कल्लं पाउप्पभायाए दुवयस्स रन्नो धूयाए चुलणीए देवीए अत्तियाए धटेजुणस्स भगिणीए दोवईए २ सयंवरे भविस्सइ। तं तुब्भे णं देवाणुप्पिया ! दुवयं रायाणं अणुगिण्हेमाणा व्हाया जाव विभूसिया हत्थिखंधवरगया सकोरेंट० सेयवरचामरा हयगयरह० महया भडचडगरेणं जाव परिक्खित्ता जेणेव सयंवरामंडवे तेणेव उवागच्छह २ पत्तेयं नामंकेसु आसणेसु निसीयह २ दोवई २ पडिवालेमाणा २ चिट्ठह घोसणं घोसह २ मम एयमाणत्तियं पञ्चप्पिणह । तए णं ते कोडुंबिया तहेव जाव पञ्चप्पिणंति । तए णं से दुवए राया कोडुंबियपुरिसे सहावेइ २ एवं वयासी- गच्छह णं तुब्भे देवाणुप्पिया ! संयवरमंडवं आसियसंमजिओवलित्तं सुगंधवरगंधियं पंचवण्णपुप्फोवयारकलियं कालागरुपवरकुंदुरुक्कतुरुक जाव गंधवट्टिभूयं मंचाइमंचकलियं करेह कारवेह करेत्ता कारवेत्ता वासुदेवपामोक्खाणं बहूणं रायसहस्साणं पत्तेयं २ नामंकाई आसणाई अत्थुयपच्चत्थुयाई रएह २ एयमाणत्तियं पञ्चप्पिणह जाव पञ्चप्पिणंति । तए णं ते वासुदेवपामोक्खा बहवे रायसहस्सा कल्लं व्हाया जाव विभूसिया हत्थिखंधवरगया सकोरेंटमल्लछत्तेणं धरिजमाणेहिं सेयवरचामराहिं महया हयगय जाव परिवुडा सव्विड्डीए जाव रवेणं जेणेव सयंवरामंडवे तेणेव उवागच्छंति २ अणुप्पविसंति २ पत्तेयं २ नामंकएंसु निसीयंति दोवई २ पडिवालेमाणा चिट्ठति । तए णं से दुवए राया कल्लं बहाए जाव विभूसिए हत्थिखंधवरगए सकोरेंट०
| SR No. | 022565 |
| Book Title | Nayadhamma Kahao |
| Original Sutra Author | N/A |
| Author | N V Vaidya |
| Publisher | N V Vaidya |
| Publication Year | 1940 |
| Total Pages | 254 |
| Language | Sanskrit |
| Classification | Book_Devnagari & agam_gyatadharmkatha |
| File Size | 20 MB |