Page Text
________________
160
नायाधम्मकहाओ [XV.110भोयावेइ २ आपुच्छइ २ सगडीसागडं जोयावेइ.२ चंपाओ नयरीओं निग्गच्छइ नाइविप्पगिटेहिं अद्धाणेहिं वसमाणे २ सुहेहिं वसहिपायरासेहिं अंगंजणवयं मझमज्झेणं जेणेव देसंग्गं तेणेव उवागच्छइ २ सगडीसागडं मोयावेइ सत्थनिवेसं करेइ २ कोडुबियपुरिसे सद्दावेइ २. एवं वयासीतुन्भे णं देवाणुप्पिया ! मम सत्थानवेसंसि महया २ सद्देणं उग्घोसेमाणा २ एवं वयह – एवं खलु देवाणुप्पिया! इमीसे आगामियाए छिन्नावायाए दीहमद्धाए अडवीए बहुमज्झदेसभाए एत्थ णं बहवे नंदिफला नामं रुक्खा पन्नत्ता किण्हा जाव पत्तिया पुफिया फलिया हरिया रेरिजमाणा सिरएिं अईव २ उवसोभेमाणा चिट्ठति मणुना वण्णेणं ४ जाव मणुन्ना फासेणं मणुन्ना छायाए । तं जो णं देवाणुप्पिया ! तेसिं नंदिफलाणं.रुक्खाणं मूलाणि वा कंदतयपत्तपुप्फफलबीयाणि वा हरियाणि वा आहारेइ छायाए वा वीसमइ तस्स णं आवाए भद्दए भवइ तओ पच्छा परिणममाणा २ अकाले चेव जीवियाओ ववरोवेइ । तं मा णं देवाणुप्पिया ! केई तेसिं नंदिफलाणं मूलाणि वा जाव छायाए वा वीसमउ मा णं से वि अकाले चेव जीवियाओ ववरोविजिस्स इ । तुब्भे णं देवाणुप्पिया ! अन्नसिं रुक्खाणं मूलाणि य जाव हरियाणि य आहारेह छायासु वीसमह त्ति घोसणं घोसेह जाव पञ्चप्पिणति । तए णं धणे सत्यवाहे सगडीसागडं जोएइ २ जेणेव नंदिफला रुक्खा तेणेव उवागच्छइ २ तेसिं नंदिफलाणं अदूर॑सामंते सत्थनिवेसं करेइ २ दोच्चंपि तञ्चपि कोडुंबियपुरिसे सदावेइ २ एवं वयासी-तुब्भे णं देवाणुप्पिया! मम सत्थनिवेसंसि महया २ सदेणं उग्घोसेमाणा २ एवं वयह - एए णं देवाणुप्पिया! ते नंदिफला रुक्खा किण्हा जाव मणुन्ना छायाए। तं जो गं देवाणुप्पिया। एएसिं नंदिफलाणं रुक्खाणं मूलाणि वा कंदपुप्फतयापत्तफलाणि जाव अकाले चेव जीवियाओ ववरोवेइ । तं मा णं तुम्भे जाव वीसमह मा गं अकाले चेव जीवियाओ ववरोविस्संति अन्नेसिं रुक्खाणं मूलाणि य जाध वीसमह त्तिकटु घोसणं जाव पञ्चप्पिणंति । तत्थ णं अत्थेगइया पुरिसा धणस्स सत्थवाहस्स एयमह सदहति जाव रोयंति एयमहँ सहहमाणा.
| SR No. | 022565 |
| Book Title | Nayadhamma Kahao |
| Original Sutra Author | N/A |
| Author | N V Vaidya |
| Publisher | N V Vaidya |
| Publication Year | 1940 |
| Total Pages | 254 |
| Language | Sanskrit |
| Classification | Book_Devnagari & agam_gyatadharmkatha |
| File Size | 20 MB |