Page Text
________________
152 नाथाधम्मकहाओ .
[ XIV.104पोट्टिला ताओ अज्जाओ एजमाणीओ पासइ २ हट्टतुट्ठा आसणाओ अब्भुढेइ वंदइ नमसइ २ विपुलेणं असणेणं ४ पडिलाभेइ २ एवं वयासी -. एवं खलु अहं अजाओ! तेयलिपुत्तस्स पुटिव इट्ठा ५ आसि इयाणिं अणिट्ठा ५ जात्र दसणं वा परिभोगं वा । तं तुब्भे णं' अजाओ बहुनायाओ बहुसिक्खियाओ बहुपढियाओ बहूणि गामागर जाव आहिँडह बहूणं राईसर जाव गिहाई अणुपविसह । तं अत्थियाइं भे अन्जाओ! केइ कहिँचि चुण्णजोए वा मंतजोगे वा कम्मणजोए वा हियेउड्डावणे वा काउड्डावणे वा आभिओगिए वा वसीकरणे वा कोउयकम्मे वा भूइकम्मे वा मूले वा कंदे वा छल्ली वल्ली सिलिया वा गुलिया वा ओसहे वा भेसज्जे वा उवलद्धपुव्वे जेणाहं तेयलिपुत्तस्स पुणरवि इट्ठा ५ भवेज्जामि ? तए णं ताओ अजाओ पोट्टिलाए एवं वुत्ताओ समाणीओ दोवि कण्णे अंगुलियं ठवेंति २ पोट्टिलं एवं वयासी- अम्हे णं देवाणुप्पिए! समणीओ निग्गंथीओ जाव गुत्तबंभचारिणीओ । नो खलु कप्पइ अम्हं एयप्पगारं कण्णेहिं वि निसामित्तए किमंग पुण उवदसित्तए वा आयरित्तए वा । अम्हे णं तव देवाणुप्पिया! विचित्तं केवलिपन्नत्तं धम्म परिकहिजामो । तए णं सा पोट्टिला ताओ अजाओ एवं वयासी- इच्छामि णं अजाओ! तुभं अंतिए केवलिपन्नत्तं धम्मं निसामित्तए । तए णं ताओ अजाओ पोट्टिलाए विचित्तं धम्म परिकहति । तए णं सा पोट्टिला धम्म सोच्चा निसम्म हट्ठा एवं वयासी-सदहामि णं अज्जाओ ! निग्गंथं पावयणं जाव से जहेयं तुब्भे वयह । इच्छामि णं अहं तुम्भं
अंतिए पंचाणुव्वइयं जाव धम्मं पडिवजित्तए । अहासुहं देवाणुप्पिया। तए णं सा पोट्टिला तासिं अजाणं अंतिए पंचाणुव्वइयं जाव धम्म पडिवज्जइ ताओ अजाओ वंदइ नमसइ २ पडिविसज्जेइ । तए णं सा पोट्टिला समणोवासिया जाया जाव पडिलाभमाणी विहरइ ।
(105) तए णं तीसे पोट्टिलाए अन्नया कयाइ पुव्वरत्तावरत्तकालसमयसि कुडुंबजागरियं जागरमाणीए अयमेयारूवे अज्झथिए ४एवं खलु अहं तेयलिपुत्तस्स पुल्वि इट्ठा ५ आसि इयाणिं अणिट्ठा ५ जाव
| SR No. | 022565 |
| Book Title | Nayadhamma Kahao |
| Original Sutra Author | N/A |
| Author | N V Vaidya |
| Publisher | N V Vaidya |
| Publication Year | 1940 |
| Total Pages | 254 |
| Language | Sanskrit |
| Classification | Book_Devnagari & agam_gyatadharmkatha |
| File Size | 20 MB |