________________
147
-XIV.101]
नायाधम्मकहाओ पुल्विपि य णं मए समणस्स ३ अंतिए थूलए पाणाइवाए पञ्चक्खाए जाव थूलए परिग्गहे पञ्चक्खाए । तं इयाणिपि तस्सेव अंतिए सव्वं पाणाइवायं पञ्चक्खामि जाव सव्वं परिग्गहं पञ्चक्खामि जावजीवं सव्वं असणं ४ पञ्चक्खामि जावजीवं जंपि य इमं सरीरं इ8 कंतं जाव मा फुसंतु एयपि य णं चरिमेहिं ऊसासेहिं वोसिरामि त्तिकटु । तए णं से दहुरे कालमासे कालं किच्चा जाव सोहम्मे कप्पे ददुरवडिंसए उववायसभाए दडुरदेवत्ताए उववन्ने । एवं खलु गोयमा ! दुहुरेणं सा दिव्वा देविड्डी लद्धा ३। दडुरस्स णं भंते ! देवस्स केवइयं कालं ठिई पन्नत्ता ? गोयमा ! चत्तारि पलिओवमाइं ठिई पन्नत्ता । दुहुरे णं भंते ! देवे ताओ देवलोगाओ आउक्खएणं ठिइक्खएणं कहिं गच्छिहिइ कहिं उववजिहिइ ? गोयमा! से णं दहुरे देवे महाविदेहे वासे सिज्झिहिइ बुझिहिइ मुच्चिहिइ जाव अंतं करेहिइ।
___ एवं खलु जंबू ! समणेणं भगवया महावीरेणं जाव संपत्तेणं तेरसमस्स नायज्झयणस्स अयमढे पन्नत्ते त्ति बेमि ॥
॥ तेरसमं नायज्झयणं संमत्तं ॥१३॥
॥ चोइसमं अज्झयणं॥ (101) जइ णं भंते ! समणेणं जाव संपत्तणं तेरसमस्स नायज्झयणस्स अयमढे पन्नत्ते चोदसमस्स के अहे पन्नत्ते ? एवं खलु जंबू ! तेणं कालेणं २ तेथेलिपुरं नाम नैयरं । पमयवणे उज्जाणे । कणगरहे रायो । तस्स णं कणगरहस्स पउमावई देवी । तस्स णं कणगरहस्स रन्नो तेयलिपुत्ते नाम अमच्चे सामदंडभेयनिउणे । तत्थ णं तेयलिपुरे कलादे नामं मुसियारदारए होत्था अड्डे जाव अपरिभूए । तस्स णं भद्दा नामं भारिया । तस्स णं कलायरस मूसियारदारगस्स धूया भहाए अत्तया पोट्टिला नामं दारिया होत्था रूवेण य उकिट्ठा जाव उक्किट्ठसरीरा । तए णं सा पोट्टिला दारिया अन्नया कयाइ व्हाया सव्वालंकारविभूसिया
