Page Text
________________
146
'नायाधम्मकहाओ . [XIII.100एवं जहेव चिंता आपुच्छणा नंदापुक्खरिणी वणसंडा सहाओ तं चैव सव्वं जाव नंदाए दुहुरत्ताए उववन्ने । तं अहो णं अहं अहन्ने अपुण्णे अकयपुण्णे निग्गंथाओ पावयणाओ नढे भट्ठे परिब्भहे । तं सेयं खलु ममं सयमेव पुव्वपडिवन्नाई पंचाणुव्वयाइं उवसंपजित्ताणं विहरित्तए । एवं संपेहेइ २ पुवपडिवन्नाइं पंचाणुव्वयाई जाव आरुहइ २ इमेयारूवं अभिग्गहं अभिगिण्हइ – कप्पइ मे जावज्जीवं छटुंछट्टेणं अणिक्खित्तेणं अप्पाणं भावमाणस्स विहरित्तए । छट्ठस्स वि य णं पारणगसि कप्पइ मे नंदाए पोक्खरिणीए परिपेरतेसु फासुएणं ण्हाणोदएणं उम्मईणालोलियाहि य वित्तिं कप्पेमाणस्स विहरित्तए । इमेयारूवं अभिग्गहं अभिगेण्हइ जावजीवाए छटुंछटेणं जाव विहरइ । तेणं कालेणं २ अहं गोयमा ! गुणसिलए समोसड्डे परिसा निग्गया । तए णं नंदाए पोक्खरिणीए बहुजणो व्हाइ ३ अन्नमन्नं जाव समणे ३ इहेव गुणसिलए चेइए समोसड्ढे । तं गच्छामो णं देवाणुप्पिया ! समणं ३ वंदामो जाव पज्जुवासामो । एयं णे इहभवे परभवे य हियाए जाव आणुगामियत्ताए भविस्सइ । तए णं तस्स दुहुरस्स बहुजणस्स अंतिए एयमहँ सोचा निसम्म अयमेयारूवे अज्झथिए ४ समुप्पज्जित्था-एवं खलु समणे ३ समोसढे । तं गच्छामि णं वंदामि । एवं संपेहेइ २ नंदाओ पुक्खरिणीओ साणियं २ उत्तरेइ जेणेव रायमग्गे तेणेव उवागच्छइ २ ताए उक्किट्ठाए ५ दहुरगईए वीईवयमाणे जेणेव ममं अंतिए तेणेव पहारेत्थ गमणाए । इमं च णं सेणिए राया भिंभसारे व्हाए कयकोउय जाव सव्वालंकारविभूसिए हत्थिखंधवरगए सकोरेंटमल्लदामेणं छत्तेणं धरिजमाणेणं सेयवरचामरेहि य उद्धव्वमाणेहिं हयगयरह० मया भडचडगरचाउरंगिणीए सेणाए सद्धिं संपरिवुडे मम पायवंदए हव्वमागच्छइ । तए णं से दहुरे सेणियस्स रन्नो एगेणं आसकिसोरएणं वामपाएणं अकंते समाणे अंतनिग्याइए कए यावि होत्था। तए णं से दहुरे अथामे अबले अवीरिए अपुरिसक्कारपरक्कमे अधारणिज्जमित्तिकटु एगतमवक्कमइ करयल जाव एवं बयासी-नमोत्थु णं अरहताणं जाव संपत्ताणं । नमोत्थु णं मम धम्मायरियस्स जाव संपाविउकामस्स ।
| SR No. | 022565 |
| Book Title | Nayadhamma Kahao |
| Original Sutra Author | N/A |
| Author | N V Vaidya |
| Publisher | N V Vaidya |
| Publication Year | 1940 |
| Total Pages | 254 |
| Language | Sanskrit |
| Classification | Book_Devnagari & agam_gyatadharmkatha |
| File Size | 20 MB |