Page Text
________________
XII.98]
नायाधम्मकाओ
तं सामी ! जं णं तुब्भे एवं वयह - अहो णं इमे फरिहोदए अमणुन्ने वर्णणं ४ से जहानामए अहिमडे इ वा जाव अमणामतराए चेव । तए णं से जियसत्तू सुबुद्धिं अमचं एवं वयासी - अहो णं सुबुद्धी ! इमे फरिहोदए अमणुन्ने वण्णेणं ४ से जहानामए अहिमडे इ वा जाव अमणामतराए चेव । तए णं से सुबुद्धी अमचे जाव तुसिणीए सांचट्ठइ । तए णं से जियसत्तू राया सुबुद्धिं अमचं दोचंपि तचंपि एवं वयासी – अहो णं तं चैव । तए णं से सुबुद्धी अमशे जियसत्तुणा रन्ना दोच्चंपि तचंपि एवं वृत्ते समाणे एवं बयासीनो खलु सामी ! अम्हं एयंसि फरिहोदगंांस केइ विम्हए । एवं खलु सामी ! सुरभिसद्दा वि पोग्गला दुब्भिसद्दत्ताए परिणमंति तं चैव जाव पओगवीससापरिणया वि य णं सामी ! पोग्गला पन्नत्ता । तए णं जियसत्त सुबुद्धि एवं वयासी - मा णं तुमं देवाणुप्पिया ! अप्पाणं च परं च तदुभयं च बहूहि य असम्भावुब्भावणाहिं मिच्छत्ताभिनिवेसेण य बुग्गाहेमाणे पमाणे विहराहि । तए णं सुबुद्धिस्स इमेयारूवे अज्झथिए ४ समुपज्जित्था - अहो णं जियसत्तू संते तच्चे तहिए अवित सन्भूए जिणपन्नत्ते भावे नो उबलभइ । तं सेयं खलु मम जियसत्तुस्स रन्नो संताणं तच्चाणं तहियाणं अवितहाणं सन्भूयाणं जिणपन्नत्ताणं भावाणं अभिगमणट्टयाए एयमट्ठ उवायणावेतैए । एवं संपेहेइ २ पच्चइएहिं पुरिसेहिं सद्धिं अंतरावणाओ नवए घडए य पडए य गेण्हइ २ संझाकालसमयांस पविरलमणुस्संसि निसंतपडिनिसंतंसि जेणेव फरिहोदए तेणेव उवागच्छइ २ तं फरिहोदगं गेण्हावेइ २ नवएसु घडएसु गालावेइ २ नवसु घडएस पक्खिवावेइ २ सज्जखारं पक्खिवावेइ लंछियमुद्दिए कारावेइ २ सत्तरत्तं परिवसावेइ २ दोपि नवएसु घडएसु गालावेइ २ नवस घडए पक्खिवावेइ २ सज्जखारं पक्खिवावेइ २ लंछियमुद्दिए कारावेइ २ सत्तरत्तं परिवसावेइ २ तचंपि नवएसु घडएसु जाव संवसावेइ । एवं खलु एएणं उवाएणं अंतस मालावेमाणे अंतरा पक्खिवावेमाणे अंतरा य वसावेमाणे सत्तसत्तय राइंदियाई परिवसावेइ |
R
137
| SR No. | 022565 |
| Book Title | Nayadhamma Kahao |
| Original Sutra Author | N/A |
| Author | N V Vaidya |
| Publisher | N V Vaidya |
| Publication Year | 1940 |
| Total Pages | 254 |
| Language | Sanskrit |
| Classification | Book_Devnagari & agam_gyatadharmkatha |
| File Size | 20 MB |