Page Text
________________
136
'नायाधम्मकहाओ. [XII.98उववेए अस्सायणिज्जे विसायणिजे पीणणिज्ने दीवणिजे दप्पणिज्जे मयेणिज्जे बिंहणिजे सविदियगायपल्हायणिजे । तए णं ते बहवे ईसर जाव पभियओ जियसत्तुं एवं वयासी- तहेव णं सामी ! जणं तुम्भे वयह - अहो णं इमे मणुन्ने असणे ४ वष्णेणं उववेए जाव पल्हायणिज्जे । तए णं जियसत्तू सुबुद्धिं अमञ्चं एवं क्यासी - अहो णं सुबुद्धी ! इमे मणुन्ने असणे ४ जाव पल्हायणिजे । तए णं सुबुद्धी जियसत्तुस्स रनो एयमढे नो आढाइ जाव तुसिणीए संचिट्ठइ । तए णं जियसत्तू सुबुद्धिं दोच्चपि तच्चंपि एवं वयासी- अहो णं सुबद्धी ! इमे मणन्ने तं चेव जाव पल्हायणिज्जे । तए णं से सुबुद्धी अमच्चे दोच्चंपि तञ्चपि एवं वुत्ते समाणे जियसत्तुं रायं एवं वयासी- नो खलु सामी ! अम्हं एयांस मणुन्नंसि असणंसि ४ केइ विम्हए । एवं खलु सामी ! सुरभिसहा वि पोग्गला दुरभिसहत्ताए परिणमंति दुरभिसदा वि पोग्गला सुरभिसहत्ताए परिणमंति । सुरुवा वि पोग्गला दुरूवत्ताए परिणमंति दुरूवा वि पोग्गला सुरूवत्ताए परिणमंति। सुरभिगंधा वि पोग्गला दुरभिगंधत्ताए परिणमंति दुरभिगंधा वि पोग्गला सुरभिगंधत्ताए परिणमति । सुरसा वि पोग्गला दुरसत्ताए परिणमंति दुरसा वि पोग्गला सुरसत्ताए परिणमंति । सुहफासा वि पोग्गला दुहपासत्ताए परिणमंति दुहफासा वि पोग्गला सुहफासत्ताए परिणमंति । पंओगवीससा परिणया वि य णं सामी ! पोग्गला पन्नत्ता । तए णं जियसत्तू सुबुद्धिस्स अमञ्चस्स एवमाइक्खमाणस्स ४ एयमद्वं नो आढाइ नो परियाणइ तुसिणीए संचिट्ठइ । तए णं से जियसत्तू अन्नया कयाइ व्हाए आसखंधवरगए महयाभडचडगरआसवाहणियाए निजायमाणे तस्स फरिहोदयस्स अदूरसामंतेणं वीईवयइ । तए णं जियसत्तू तस्स फरिहोदगस्स असुभेणं गंधणं अभिभूए समाणे सएणं उत्तरिजएणं आसगं पिहेइ एगंतं अवक्कमइ २ बहवे ईसर जाव पभिइओ एवं वयासी - अहो णं देवाणुप्पिया! इमे फरिहोदए अमणुन्ने वण्णेणं ४ से जहानामए अहिमडे इ वा जाव अमणामतराए चेव । तए णं ते बहवे राईसर जाव पभियओ एवं वयासी - तहेव णं
| SR No. | 022565 |
| Book Title | Nayadhamma Kahao |
| Original Sutra Author | N/A |
| Author | N V Vaidya |
| Publisher | N V Vaidya |
| Publication Year | 1940 |
| Total Pages | 254 |
| Language | Sanskrit |
| Classification | Book_Devnagari & agam_gyatadharmkatha |
| File Size | 20 MB |