Page Text
________________
138 नायाधम्मकहाओ
tix.90 वयासी - अम्हे तारयाहि अम्हे पालयाहि । वए णं से सेलए जक्खे ते माकंदियदारए एवं वयासी – एवं खलु देवाणुप्पिया! तुम्भं मए सद्धिं लवणसमुई मझमझेणं वीईवयमाणाणं सा रयणदीवदेवया पावा चंडा रुद्दा खुद्दा साहसिया बहुहिं खरएहि य मउएहि य अणुलोमेहि य पडिलोमेहि य सिंगारेहि य कलुणेहि य उवसग्गेहि य उवसग्गं करेहिइ । तं जइ णं तुब्भे देवाणुप्पिया ! रयणदीवदेवयाए एयमटुं आढाह वा परियाणह वा अवयक्खह वा तो भे अहं पिट्ठाओ विहूंणामि । अह णं तुम्भे रयणदीवदेवयाए एयमढे नो आढाह नो परियाजह नो अवयक्खह तो भे रयणदीवदेवयाए हत्थाओ साहत्थिं नित्थारेमि । तए णं ते माकंदियदारगा सेलगं जक्खं एवं वयासी - जं णं देवाणुप्पिया वईस्संति तस्स णं उववायवयणनिहेसे चिहिस्सामो। तए णं से सेलए जक्खे उत्तरपुरस्थिमं दिसीभागं अवकमइ २ वेउब्वियसमुग्घाएणं समाहणइ २ संखेज्जाई जोयणाई दंडं निस्सरइ दोच्चंपि वेउव्वियसमुग्घाएणं समोहणइ २ एगं महं आसरूवं वेउव्वइ २ ते माकंदियदारए एवं वयासी - हं भो माकंदियदारया ! आरुह णं देवाणुप्पिया ! मम पिटुंसि । तए णं ते माकंदियदारया हट्ठा सेलगस्स जक्खस्स पणामं करेंति २ सेलगस्स पिढे दुरूढा । तए णं से सेलए ते माकंदियदारए दुरूढे जाणित्ता सत्तअट्ठतालेप्पमाणमेत्ताई उड्ढे वेहासं उप्पयइ २ ताए उकिट्ठाए तुरियाए चवलाए चंडाए दिव्वाए देवयाए देवगईए लवणसमुहं मझमज्झणं जेणेव जंबुद्दीवे दीवे जेणेव भारहे वासे जेणेव चंपा नयरी तेणेव पहारेत्थ गमणाए ।
(90) तए णं सा रयणदीवदेवया लवणसमुई तिसत्तखुत्तो अणुपरियट्टइ जं तत्थ तणं वा जाव एडेइ जेणेव पासायव.सए तेणेव उवागच्छई २ ते माकंदियदारया पासायवडेंसए अपासमाणी जणेब पुरथिमिल्ले वणसंडे जाव सव्वओ समंता मग्गणगवेसणं करेइ २ तेसिं माकंदियदारगाणं कत्थइ सुई वा ३ अलभमाणी जेणेव उत्तरिल्ले एवं चेव पञ्चस्थिमिल्ले वि जाव अपासमाणी ओहिं पउंजइ. ते माकंदियदारए सेलएणं सद्धिं
| SR No. | 022565 |
| Book Title | Nayadhamma Kahao |
| Original Sutra Author | N/A |
| Author | N V Vaidya |
| Publisher | N V Vaidya |
| Publication Year | 1940 |
| Total Pages | 254 |
| Language | Sanskrit |
| Classification | Book_Devnagari & agam_gyatadharmkatha |
| File Size | 20 MB |