Page Text
________________
-IX.90] नायाधम्मकहाओ
129 लवणसमुई मझमझेणं वीईवयमाणे २ पासइ २ आसुरुत्सा असिखेडंग गेहइ २ सत्तट्ट जाव उप्पयइ २ साए उकिट्ठाए जेणेव माकंदियदारया तेणेव उवागच्छइ २ एवं क्यासी-हंभो माकंदियदारगा अपत्थियपत्थिया! किण्यं तुम्भे जाणह ममं विप्पजहाय सेलएणं जक्खेणं सद्धिं लवणसमुहं मझममज्झेणं वीईषयमाणा ? तं एवमवि गए जइ णं तुम्मे ममं अवयक्खह वो मे अत्यि जीवियं। अह णं नावयक्खह तो भे इमेणं नीलुप्पलगवल जाव एंडेमि । तए णं ते माकंदियदारगा रयणदीवदेवयाए अंतिए एयमझु सोच्चा निसम्म अभीया अतस्था अणुव्विग्गा अक्खुभिया असंभंता रयणदीवदेवयाए एयमहं नो आदति नो परियाणंति नावयक्खंति अणाढीयमाणा अपरियाणमाणा अणवयक्खमाणा य सेलएणं जक्खेणं सद्धिं लवणसमुहं मप्रमाणं वीईवयंति । तए णं सा रयणदीवदेवया ते माकंदियदारया जाहे नो संचाएइ बहूहिं पंडिलोमेहि य उवसग्गेहि य चालित्तए वा खोभित्तए वा विपरिणामिचए वा ताहे महुरेहिं य सिंगारेहि य कलुणेहि य उवसग्गेहि य उवसग्गेउं पयत्ता यावि होत्था - हं भो माकंदियदारगा! जई गं तुन्भेहिं देवाणुप्पिया ! मए सद्धिं हसियाणि य रमियाणि य ललियाणि य कीलियाणि य हिंडियाणि य मोहियाणि य ताहे गं तुन्भे सव्वाई अगणेमाणा ममं विप्पजहाय सेलएणं सद्धिं लवणसमुहं मझमझेणं वीईवयह । तए णं सा रयणदीवदेवया जिणरक्खियस्स मणं ओहिणा आभोएइ २ एवं वयासी - निच्चंपि य णं अहं जिणपालियस्स अणिट्ठा ५ । निचं मम जिणपालिए अणिढे ५ । निश्चपि य णं अहं जिणरक्खियस्स इट्ठा ५ । निश्चपि य णं ममं जिणरक्खिए इढे ५ । जइ णं ममं जिणपालिए रोयमाणिं कंदमाणिं सोयमाणिं तिप्पमाणिं विलवमाणिं नावयक्खइ किण्णं तुमंपि जिणरक्खिया ! ममं रोयमाणिं जाव नावयक्खास ? तए णं:-सा पवररयणदीवस देवया ओहिणां जिणर. क्खियस्स मणं । नाऊणं वैधनिमित्तं उवरिं माकंदियदारगाणे दोण्हंपि॥१॥ दोसकलिया सैलिलयं नाणाविहचुण्णवासमीसियं दिव्वं । घाणमण
| SR No. | 022565 |
| Book Title | Nayadhamma Kahao |
| Original Sutra Author | N/A |
| Author | N V Vaidya |
| Publisher | N V Vaidya |
| Publication Year | 1940 |
| Total Pages | 254 |
| Language | Sanskrit |
| Classification | Book_Devnagari & agam_gyatadharmkatha |
| File Size | 20 MB |