Page Text
________________
-IX.89 नावाधम्मकहाणो
137 सद्धिं विउलाई भोगभोगाई मुंजमाणी विहरह। तए णं सा रयणदीवदेवया अन्नया कयाइ अहाहुँसगंसि अवराहसि परिकुविया समाणी ममं एयारूवं आवयं पावेइ । तं न नजइ णं देवाणुप्पिया ! तुभं पि इमेसिं सरीरगाणं का मन्ने आवई भविस्सइ । तए णं ते माकंदियदारगा तस्स सूलाइगस्स अंतिए एयमढे सोच्चा निसम्म बलियतरं भीया जाव संजायभया सूलाइयं पुरिसं एवं वयासी- कहं गं देवाणुप्पिया! अम्हे रयणदीवदेवयाए हत्थाओ साहत्थिं नित्थरिजामो ? तए णं से सूलाइए पुरिसे ते माकंदियदारगे एवं बयासी- एस णं देवाणुपिया ! पुरथिमिल्ले वणसंडे सेलगस्स जक्खस्स जक्खायणे सेलए नामं आसरूवधारी जक्खे परिवसइ । तए णं से सेलए जक्खे चाउद्दसट्ठमुद्दिपुण्णमासिणीसु आगयसमए पत्तसमए महया २ सहेणं एवं वदइकं तारयामि ? कं पालयामि ? सं गच्छह णं तुब्भे देवाणुप्पिया! पुरथिमिल्लं वणसंडं सेलगस्स जक्खस्स महरिहं पुप्फच्चाणयं करेह २ जन्पायवडिया पंजलिउडा विणएणं पज्जुवासमाणा विहरह। जाहे णं से सेलए जक्खे आगयसमए पत्तसमए एवं वएज्जा-कं तारयामि ? कं पालयामि ? ताहे तुब्भे एवं वयह – अम्हे तारयाहि अम्हे पालयाहि । सेलए भी जक्खे परं रयणदीवदेवयाए हत्थाओ साहात्थं नित्थारेज्जा । अन्नहा भो न याणामि इमेसिं सरीरगाणं का मन्ने आवई भविस्सह ।
(89) तए णं ते माकंदिरदारगा तस्स सूलाइयस्स अंतिए एयमढे सोच्चा निसम्म सिग्धं चंडं चवलं तुरियं वेईयं जेणेव पुरथिमिल्ले वणसंडे जेणेव पोक्खरिणी तेणेव उवागच्छंति २ पोक्खरािणिं ओगाहेति २ जलमज्जणं करेंति २ जाई तत्थ उप्पलाइं जाव गेण्हंति २ जेणेव सेलगस्स जक्खस्स जक्खाययणे तेणेव उवागच्छंति २ आलोए पणाम करेंति २ महरिहं पुप्फच्चणियं करेंति २ जनुपायवडिया सुस्सूसमाणा नमसमाणा पज्जुवासंति । तए णं से सेलए जक्खे आगयसमए पत्तसमए एवं वयासी- कं तारयामि ? कं पालयामि ? तए ण ते माकंदियदारगा उठाए उहति करयल जाव वडावेत्ता एवं
| SR No. | 022565 |
| Book Title | Nayadhamma Kahao |
| Original Sutra Author | N/A |
| Author | N V Vaidya |
| Publisher | N V Vaidya |
| Publication Year | 1940 |
| Total Pages | 254 |
| Language | Sanskrit |
| Classification | Book_Devnagari & agam_gyatadharmkatha |
| File Size | 20 MB |