Page Text
________________
121
-ix,84]
नायाधम्मकहाओ
॥ नवमं अज्झयणं ॥ (84) जइ णं भंते । समणेणं भगवया महावीरेणं जाव संपत्तेणं अट्ठमस्स नायज्झयणस्स अयमढे पन्नत्ते नवमस्स णं भंते! नायज्झयणस्स समोणं जाव संपत्तेणं के अढे पन्नत्ते ? एवं खलु जंबू ! तेणं कालेणं तेणं समएणं चंपा नामं नयरी होत्था। पुण्णभदे चेइए । तत्थ णं माकंदी नाम सत्थवाहे परिवसइ अड्डे जाव अपरिभूए । तस्सं णं भद्दा नामं भारिया होत्था। तीसे णं भहाए अत्तया दुवे सत्थवाहदारया होत्था तंजहा - जिणपालिए य जिणरक्खिए य। तए णं तेसिं मागंदियदारगाणं अन्नया कयाइ एगयओ इमेयारूवे मिहोकहासमुल्लावे समुप्पन्जित्था - एवं खलु अम्हे लवणसमुहं पोयवहणेणं एकारस वारा ओगाढा सव्वत्थ वि य णं लद्धट्ठा कयकज्जा अणहसमग्गा पुणरवि नियगघरं हव्वमागया। तं सेयं खलु अम्हं देवाणुप्पिया ! दुवालसमंपि लवणसमुदं पोयवहणेणं ओगाहित्तए तिकटु अन्नमन्नस्स एयमहूं पडिसुणेति २ जेणेव अम्मापियरो तेणेव उवागच्छंति २ एवं वयासी-एवं खलु अम्हे अम्मयाओ! एकारस वारा तं चैव जाव नियगघरं हव्वमागया । तं इच्छामो णं अम्मयाओ तुब्भेहिं अब्भणुनाया समाणा दुवालसलवणसमुहं पोयवहणेणं
ओगाहित्तए । तए णं ते मागंदियदारए अम्मापियरो एवं वयासी - इमे में जाया ! अज्जग जाव परिभाएत्तए । तं अणुहोह ताव जाया ! विपुले माणुस्सए इड्डीसकारसमुदए । किं में सपच्चवाएणं निरालंबणेणं लवणसमुद्दोत्तारेणं? एवं खलु पुत्ता ! दुवालसमी जत्ता सोवसग्गा यावि भवइ । तं मा णं तुब्भे दुवे पुत्ता ! दुवालसमंपि लवण जाव ओगाहेह । मा हु तुभं सरीरस्स वावत्ती भविस्सइ । तए णं ते माकंदियदारगा अम्मापियरो दोच्चंपि तचंपि एवं वयासी - एवं खलु अम्हे अम्मयाओ ! एकारस वारा लवण जाव ओगाहित्तए । तए णं ते माकंदियदारए अम्मापियरो जाहे नो संचाएंति बहूहिं आघवणाहिं य पण्णवणाहिं य ताहे अकामा चेव एयमढे अणुमनित्था । तए णं ते माकंदियदारगा अम्मापिअहिं अब्भणुमाया समाणा गणिमं च
| SR No. | 022565 |
| Book Title | Nayadhamma Kahao |
| Original Sutra Author | N/A |
| Author | N V Vaidya |
| Publisher | N V Vaidya |
| Publication Year | 1940 |
| Total Pages | 254 |
| Language | Sanskrit |
| Classification | Book_Devnagari & agam_gyatadharmkatha |
| File Size | 20 MB |