Page Text
________________
110
नागाधमकहाओ (VIIL 79जियसत्तुं रायं रज्जे य जाव अंतेउरे य कुसलोदंतं पुच्छइ । तए णं सा चोक्खा जियसत्तुस्स रन्नो दाणधम्मं च जाब विहरइ । तए णं से जियसत्तू अप्पणो ओरोहंसि जायविम्हए चोख एव वयासी - तुमं गं देवाणुप्पिया ! बहूणि गामागर जाव आहिंडसि बहूण य राईसरगिहाई अणुप्पविर्सहि । तं अत्थियाई ते कस्सइ रन्नो वा जाव एरिसए ओरोहे दिट्ठपुव्वे जारिसए णं इमे ममै ओरोहे ? तए पं सा चाक्खा परिव्वाइया जियसत्तुं एवं ईसिं अवहसियं करेइ २ एवं वयासी - सरिसए णं तुमं देवाणुप्पिया ! तस्स अगडदडुरस्स । केस णं देवाणुप्पिए ! से अगडद्हुरे ? जियसत्तू ! से जहानामए अगडदहुरे सिया । से णं तत्थ जाए तत्थेव वुड्डिएँ अन्नं अगडं वा तलाँग वा दहं वा सरं वा सागरं वा अपासमाणे ममइ- अयं चैव अगडे वा जाव सागरे वा। तए णं तं कूवं अन्ने सामुद्दए दहुरे हव्वमागए । तए णं से कूषदहुरे तं समुद्ददडुरं एवं वयासी - से केस णं तुम देवाणुप्पिया ! कत्तो वा इह हव्वमागए ? तए णं से सामुद्दए दडुरे तं कूवदहुरं एवं वयासी – एवं खलु देवाणुप्पिया! अहं सामुद्दए दहरे। तए णं से कूवदहुरे तं सामुद्दयं दरं एवं वयासी – केमहालए णं देवाणुप्पिया ! से समुद्दे ? तए णं से सामुहए दहुरे तं कूवदडुरं एवं क्यासी – महालए णं देवाणुप्पिया ! समुद्दे। तए णं से कूवदहरे पारण लीहं कड्डेइ २ एवं वयासी - एमहालए णं देवाणुप्पिया ! से समुहे ? नो इणहे समढे । महालए णं से समुद्दे । तए णं से कुवदहरे पुरथिमिल्लाओ तीराओ उप्फिडित्ताणं पच्चस्थिमिल्लं तीरं गच्छइ २ एवं वयासी – एमहालए णं देवाणुप्पिया ! से समुद्दे ? नो इणढे तहेव । एवामेव तुमंपि जियसत्तू अन्नसं बहूणं राईसर जाव सत्थवाहप्पभिईणं भज्ज वा भगिणिं वा धूयं वा सुण्हं वा अपासमाणे जाणसि जारिसए मम चेव णं ओरोहे तारिसए नो अन्नस्स । तं एवं खलु जियसत्तू ! मिहिलाए नयरीए कुंभगस्स धूया पभावईए अत्तिया मल्लीनामं २ रूवेण य जाव नो खलु अन्ना काइ देवकन्ना वा जारिसिया मल्ली । विदेहवररायकन्नाए छिन्नस्स वि पायंगुट्ठगस्स इमे तव ओरोहे
| SR No. | 022565 |
| Book Title | Nayadhamma Kahao |
| Original Sutra Author | N/A |
| Author | N V Vaidya |
| Publisher | N V Vaidya |
| Publication Year | 1940 |
| Total Pages | 254 |
| Language | Sanskrit |
| Classification | Book_Devnagari & agam_gyatadharmkatha |
| File Size | 20 MB |