Page Text
________________
-VIII.79] नायाधम्मकहाओ
109 भिसियाए निसीयइ २ मल्लीए २ पुरओ दाणधम्मच जाव विहरइ । तए णं मल्ली २ चोक्खं परिव्वाइयं एवं वयासी-तुभे णं चोक्खे ! किंमूलए धम्मे पन्नत्ते ? तए णं सा चोक्खा परिवाइया मल्लिं २ एवं वयासीअम्हं णं देवाणुप्पिए ! सोयमूलए धम्मे पन्नत्ते । जं णं अम्हं किंचि असुई भवइ तं णं उदएण य मट्टियाए जाव अविग्घेणं सग्गं गच्छामो। तए णं मल्ली २ चोक्खं परिव्वाइयं एवं वयासी- चोक्खा ! से जहानामए केइ पुरिसे रुहिरकयं वत्थं रुहिरेणं चेव धोवेज्जा अत्थि णं चोक्खा! तस्स रुहिरकयस्स वत्थस्स रुहिरेणं धोव्वमाणस्स काइ सोही ? नो इणंढे समटे । एवामेव चोक्खा! तुभे णं पाणाइवाएणं जाव मिच्छादसणसल्लेणं नत्थि काइ सोही जहा वा तस्स रुहिरकयरस वत्थस्स रुहिरेणं चेव धोव्वमाणस्स । तए णं सा चोक्खा परिव्वाइया मल्लीए २ एवं वुत्ता समाणी संकिया कंखिया विइगिच्छिया भेयसमावन्ना जाया वि होत्था मल्लीए नो संचाएइ किंचिवि पामोक्खमाइक्खित्तए तुसिणीया संचिट्ठइ । तए णं तं चोक्खं मल्लीए २ बहूओ दासचेडीओ हीलेंति निंदति खिसंति गरिहंति अप्पेगइयाओ हेरुयालेति अप्पेगइया मुहमक्कडियाओ करेंति अप्पेगइया वग्घाडीओ करेंति अप्पेगइया तज्जेमाणीओ तालेमाणीओ निच्छुहंति । तएणं सा चोक्खा मल्लीए २ दासचेडियाहिं हालिज्जमाणी जाव गरहिज्जमाणी आसुरुत्ता जाव मिसिमिसेमाणी मल्लीए २ पओसमावज्जइ २ भिसियं गेण्हइ २ कन्नतेउराओ पडिनिक्खमइ २ मिहिलाओ निग्गच्छइ २ परिव्वाइयासंपरिवुडा जेणेव पंचालजणवए जेणेव कंपिल्लपुरे तेणेव उवागच्छइ २ बहूणं राईसर जाव परूवेमाणी विहरइ। तए णं से जियसत्तू अन्नया कयाइ अंतेउरपरियालसाद्धं संपरिकुंडे एवं जाव विहरइ । तए णं सा चोक्खा परिव्वाइयासंपरिखुडा जेणेव जियसत्तुस्स रनो भवणे जेणेव जियसत्तू तेणेव अणुपविसइ २ जियसत्तुं जएणं विजएणं वद्धावेइ । तए णं से जियसत्तू चोक्खं परिव्वाइयं एज्जमाणं पासइ २ सीहासणाओ अब्भुटेइ. २ चोक्खं सकारेइ २ आसणेणं उवनिमंतेइ । तए णं सा चोक्खा उदगपरिफोसियाए जाव भिसियाए निविसइ
| SR No. | 022565 |
| Book Title | Nayadhamma Kahao |
| Original Sutra Author | N/A |
| Author | N V Vaidya |
| Publisher | N V Vaidya |
| Publication Year | 1940 |
| Total Pages | 254 |
| Language | Sanskrit |
| Classification | Book_Devnagari & agam_gyatadharmkatha |
| File Size | 20 MB |