Nayadhamma Kahao

SR No.: 022565
Original Sutra Author: N/A
Author: N V Vaidya
Publisher: N V Vaidya
Publication Year: 1940
Total Pages: 254
Language: Sanskrit
Classification: Book_Devnagari & agam_gyatadharmkatha
File Size: 20 MB

Page 110

-VIII.76]
नया मकाओ
कुंभए मल्लीए २ तं दिव्वं कुंडलजुयलं पिणद्धेइ २ पडिबिसज्जेइ । तं एस णं सामी ! अम्हेहिं कुंभगरायभवणंसि मल्ली २ अच्छेरए दिट्ठे' । तं नो खलु अन्ना काबि तारिसिया देवकन्ना वा जाव जारिसिया णं मल्ली २ । तए णं चंदच्छाए अरहन्नगपामोक्खे सकारेइ सम्माणेइ २ उस्सुंकं बियरs पडिविसज्जेइ । तए णं चंदच्छाए वाणियगजणियहासे दूयं सहावेइ जाव जइ वि य णं सा सयं रज्जसुक्का । तए णं से दूर हट्ठ जाव पहारेत्थ गमणाए (२) ।
1
(76) तेणं कालेणं २ कुणाला नामं जणवए होत्था । तत्थ गं सावत्थी नामं नयरी होत्था । तत्थ णं रुप्पी कुणालाहिवई नामं राया होत्था । तस्स णं रुप्पिस्स धूया धारिणीए देवीए अत्तया सुबाहू नाम दारिया होत्था सुकुमाल जाव रूवेण य जोव्वणेण य लावण्णेण य उक्कट्ठा उक्किट्ठसरीरा जाया यावि होत्था । तीसे णं सुबाहूए दारियाए अन्नया चाउम्भासियमज्जणए जाए यानि होत्था । तए णं से रुप्पी कुणालाहिवई सुबाहुए दारियाए चाउम्मीसियमज्जणयं उबट्ठियं जाणइ २ कोडुंबिय - पुरिसे सहावेइ २ एवं बयासी एवं खलु देवाणुप्पिया ! सुबाहुदारियाए कल्लं चाउम्मीसियमज्जणए भविस्सइ । तं तुब्भे णं रायमग्गमो गाढंसि मंडवंसि जलथलयदसद्धवण्णमल्लं साहरह जाव सिरिदामगंड ओलंइंति । तए णं से रुप्पी कुणालाहिवई सुवण्णगारसोगं सहावेइ २ एवं बयासी खिप्पामेव भो देवाप्पिया ! रायमग्गमोगाढंसि पुष्फमंडवंसि नाणाविह पंचवण्णेहिं तंदुलेहिं नयरं आलिहह तस्स बहुमज्झ देसभाए पट्टयं रएह जाव पच्चप्पिणंति । तए णं से रुप्पी कुणालाहिवई हत्थिखंर्धेवरगए चाउरंगिणीए सेणाए महया भडचडगर जाव अंतेउरपरिया लसंपवुिडे सुबाहुं दारियं पुरओ कट्टु जेणेव रायमग्गे जेणेव पुष्फमंडवे तेणेव उवागच्छइ २ हत्थिखंधाओ पचोरुहइ २ पुप्फमंडवे अणुप्पविस २ सीहासणवरगए पुरत्याभिमुद्दे सन्निसण्णे । तए णं ताओ अंतेउरियाओ सुबाहुं दारियं पट्टयंसि दुरूहंति २ सेयापीयएहिं कलसेहिं व्हार्णेति २ सव्वालंकारविभूसियं करेंति २ पिउणो पायबंदियं उवर्णेति । तए णं सुबाहू
-
103
wwwww
·