________________
૪૦
સૂત્ર-૭
શ્રી તત્વાર્થાધિગમસૂત્ર અધ્યાય-૧૦ સંખ્યાતગુણા છે. તેનાથી છેદો પસ્થાપ્ય-સૂક્ષ્મસંપરાય અને યથાવાતચારિત્રસિદ્ધો સંખ્યાતગુણા છે.
(૭) પ્રત્યેકબુદ્ધબોધિત પ્રત્યેકબુદ્ધસિદ્ધો સૌથી થોડા છે, તેનાથી બુદ્ધબોધિતસિદ્ધનપુંસકો સંખ્યાતગુણા છે. તેનાથી બુદ્ધબોધિતસિદ્ધસ્ત્રીઓ સંખ્યાતગુણી છે. તેનાથી બુદ્ધબોધિતસિદ્ધપુરુષો સંખ્યાતગુણા છે.
(૮) જ્ઞાન- આ દ્વારમાં કોણ કયા જ્ઞાનથી સિદ્ધ થાય છે તેની વિચારણા છે. પ્રત્યુત્પન્નભાવપ્રજ્ઞાપનીયને આશ્રયીને સર્વ કેવલી સિદ્ધ થાય છે. કેવલી કેવલજ્ઞાનથી યુક્ત સિદ્ધ થાય છે. આમાં અલ્પબદુત્વ નથી. પૂર્વભાવપ્રજ્ઞાપનીયને આશ્રયીને બે જ્ઞાનસિદ્ધો સૌથી થોડા છે. તેનાથી ચાર જ્ઞાનસિદ્ધો સંખ્યાતગુણા છે. તેનાથી ત્રણ જ્ઞાનસિદ્ધો સંખ્યાતગુણા છે. આ અવ્યંજિતની વાત કરી. વ્યંજિતમાં પણ મતિશ્રુતજ્ઞાનસિદ્ધો સૌથી થોડા છે. તેનાથી મતિ-શ્રુત-અવધિ-મન:પર્યવજ્ઞાનસિદ્ધો સંખ્યાતગુણા છે. તેનાથી મતિ-શ્રુત-અવધિજ્ઞાનસિદ્ધો સંખ્યાતગુણા છે.
(૯) અવગાહના- જઘન્ય અવગાહનાવાળા સિદ્ધો સૌથી થોડા છે. એનાથી ઉત્કૃષ્ટ અવગાહનાવાળા સિદ્ધો અસંખ્યાતગુણા છે. તેનાથી યવમધ્ય સિદ્ધો અસંખ્યાતગુણા છે. તેનાથી યવમધ્યની ઉપર સિદ્ધ થયેલા અસંખ્યાતગુણા છે. તેનાથી યવમધ્યની નીચે સિદ્ધ થયેલા વિશેષાધિક છે. બધા મળીને વિશેષાધિક છે.
(૧૦)અંતર– આઠ સમય અનંતરસિદ્ધો સૌથી થોડા છે. સાત સમય અનંતરસિદ્ધો, છ સમય અનંતરસિદ્ધો એ પ્રમાણે યાવત્ બે સમય અનંતરસિદ્ધો સુધી સિદ્ધો સંખ્યાતગુણા જાણવા. આ પ્રમાણે અનંતરમાં કહ્યું. અંતરસહિતમાં પણ છમાસ અંતરસિદ્ધો સૌથી થોડા છે. તેનાથી એક સમય અંતરસિદ્ધો સંખ્યાતગુણા છે. તેનાથી યવમધ્ય અંતરસિદ્ધો સંખ્યાતગુણા છે. તેનાથી નીચેના યવમધ્ય અંતરસિદ્ધો અસંખ્યાતગુણા છે. તેનાથી ઉપરના યવમધ્ય અંતરસિદ્ધો વિશેષાધિક છે. બધા મળીને વિશેષાધિક છે. -
