________________
૪૮
શ્રી તત્ત્વાથધિગમસૂત્ર અધ્યાય-૧૦
સૂત્ર-૭ નથી. પરંપર પશ્ચાતકૃતિકને આશ્રયીને અનંતરગતિ વિચારાય છે. તે આ પ્રમાણે- તિર્યંચયોનિમાંથી આવેલા અનંતરગતિસિદ્ધો સૌથી થોડા છે. તેનાથી મનુષ્યોમાંથી આવેલા અનંતરગતિસિદ્ધો સંખ્યાતગુણા છે. તેનાથી નારકોમાંથી આવેલા અનંતરગતિસિદ્ધો સંખ્યાતગુણા છે. તેનાથી દેવોમાંથી આવેલા અનંતરગતિસિદ્ધો સંખ્યાતગુણા છે.
(૪) લિંગ– પ્રત્યુત્પન્નભાવપ્રજ્ઞાપનીયને આશ્રયીને વેદરહિત સિદ્ધ થાય છે. આમાં અલ્પબદુત્વ નથી. પૂર્વભાવપ્રજ્ઞાપનીયને આશ્રયીને નપુંસકલિંગસિદ્ધો સૌથી થોડા છે. તેનાથી સ્ત્રીલિંગસિદ્ધો સંખ્યાતગુણા છે. તેનાથી પુરુષલિંગસિદ્ધો સંખ્યાતગુણા છે.
(૫) તીર્થ– તીર્થંકરસિદ્ધો સૌથી થોડા છે. તેનાથી તીર્થકરના તીર્થમાં નોતીર્થંકરસિદ્ધો સંખ્યાતગુણા છે. તેનાથી તીર્થકરતીર્થસિદ્ધનપુંસકો સંખ્યાતગુણા છે. તેનાથી તીર્થકરતીર્થસિદ્ધસ્ત્રીઓ સંખ્યાતગુણા છે. તેનાથી તીર્થકરતીર્થસિદ્ધપુરુષો સંખ્યાતગુણા છે.
(૬) ચારિત્ર- અહીં પણ પ્રત્યુત્પન્નભાવપ્રજ્ઞાપનીય અને પૂર્વભાવપ્રજ્ઞાપનીય એવા બે નયો છે. તેમાં પ્રત્યુત્પન્નભાવપ્રજ્ઞાપનીયને આશ્રયીને નોચારિત્રી-નોઅચારિત્રી સિદ્ધ થાય છે. આમાં અલ્પબદુત્વ નથી. પૂર્વભાવપ્રજ્ઞાપનીયને આશ્રયીને વ્યંજિત અને અત્યંજિતમાં વિચારણા કરવી. તેમાં અત્યંજિતમાં સિદ્ધો સૌથી થોડા છે. તેનાથી પાંચ ચારિત્રસિદ્ધો અને ચાર ચારિત્રસિદ્ધો સંખ્યાતગુણા છે. તેનાથી ત્રણ ચારિત્રસિદ્ધો સંખ્યાતગુણા છે. વ્યંજિતમાં સામાયિક-છેદોપસ્થાપ્યપરિહારવિશુદ્ધિ-સૂક્ષ્મસંપરાય અને યથાખ્યાતચારિત્રસિદ્ધો સૌથી થોડા છે. (તેનાથી) છેદોપસ્થાપ્ય-પરિહારવિશુદ્ધિ-સૂક્ષ્મસંપરાય અને યથાખ્યાતચારિત્રસિદ્ધો સંખ્યાતગુણા છે. તેનાથી સામાયિક-છેદોપસ્થાપ્યસૂક્ષ્મસંપરાય અને યથાખ્યાતચારિત્રસિદ્ધો સંખ્યાતગુણા છે. તેનાથી સામાયિક-પરિહારવિશુદ્ધિ-સૂક્ષ્મસંપરાય-યથાખ્યાતચારિત્રસિદ્ધો સંખ્યાતગુણા છે. તેનાથી સામાયિક-સૂક્ષ્મસંપાય-યથાખ્યાતચારિત્રસિદ્ધો
