Page Text
________________
२०६
शास्त्रवार्तासमुच्चयः ।
[प्रथमः "इत्येषा सहकारिशक्तिरसमा माया दुरुन्नीतितो,
मूलत्वात् प्रकृतिः प्रबोधभयतोऽविद्येति यस्योदिता। देवोऽसौ विरतप्रपञ्चरचनाकल्लोलकोलाहलः,
साक्षात् साक्षितया मनस्यभिरतिं बध्नातु शान्तो मम ॥" इति ॥ १०७ ॥ अदृष्टस्य हेतूपदर्शनपूर्वकमात्मसंयोजनप्रकारमुपदर्शयति
हेतवोऽस्य समाख्याताः, पूर्व हिंसानृतादयः ।
तद्वान् संयुज्यते तेन, विचित्रफलदायिना ॥ १०८ ॥ , हेतवोऽस्येति । अस्य अदृष्टाख्यस्य कर्मणः, पूर्व "हिंसाऽनृतादयः पञ्च" इत्यादिनिरूपणात्मकप्रारम्भकाले, हिंसानृतादयः आदिशब्दात् स्तेया-ऽब्रह्मपरिग्रहाणां ग्रहणम् , हेतवः कारणानि, समाख्याताः सम्यगुक्ताः, तद्वान् हिंसादिमान् , हिंसादिक्रियाऽध्यवसायपरिणत इति यावत् ,-तेन अदृष्टाख्यकर्मणा, किंविशिष्टेनेत्याकाङ्क्षायामाह-विचित्रफलदायिनेति-विचित्रा-शुभफलदेनेत्यर्थः, संयुज्यते अन्योऽन्यसम्बन्धेन बध्यते ॥ १०८ ॥
उक्तेषु वादेषु सद्वादत्वाजैनाभ्युपगतपौद्गलिकादृष्टवाद एव ज्यायानित्युपदर्शयति
नैवं दृष्टेष्टबाधा यत् , सिद्धिश्चास्यानिवारिता ।
तदेनमेव विद्वांसस्तत्त्ववादं प्रचक्षते ॥ १०९॥ नैवमिति । एवम् उक्तेन प्रकारेणात्मनः कर्मसंयोगे स्वीक्रियमाणे । दृष्टेष्टबाधा न दृष्टविरुद्धकल्पने यादृशं वचिदपि न दृश्यते तादृशस्य परिकल्पने वा दृष्टबाधा भवति, प्रकृते तु यथाऽमूर्ते आकाशादौ मूर्तस्य घटादौ संयोगो दृश्यते तथा मूर्तस्य पौगालिकादृष्टस्यामूर्तेनात्मना संयोग इति दृष्टबाधा न भवति, एवं शुभकर्मजनितेनादृष्टेन संयोगादात्मनः सुखानुभवलक्षणोऽनुग्रहः, अशुभकर्मजनितेनादृष्टेन संयोगादात्मनो दुःखानुभवलक्षण उपघातश्चेष्ट एव, यथा अमूर्तस्यापि ज्ञानस्य ब्राह्मीघृतोपभोगतोऽधिकविषयावगाहित्वस्पष्टप्रकाशकत्वादिलक्षणोऽनुग्रहः, मद्यपानादिना च यथावद्विषयाग्रहणादिलक्षण उपघातश्च भवतामपीष्ट इतीष्टबाधा न भवति । यत् यस्मात् , सिद्धिश्च अस्य कर्मणः, अनिवारिता प्रतिकूलपराहता न भवति, तत् तस्मात् कार
| SR No. | 022388 |
| Book Title | Shastra Vartta Samucchay Part 01 |
| Original Sutra Author | N/A |
| Author | Sushilvijay |
| Publisher | Vijaylavanyasuri Gyanmandir |
| Publication Year | 1954 |
| Total Pages | 300 |
| Language | Sanskrit |
| Classification | Book_Devnagari |
| File Size | 23 MB |