________________
અહદાસ તેમજ તેમની આઠ પત્નીઓ છે.
એક વખત રાત્રીના સમયે વાર્તાલાપમાં શેઠે પોતાની પત્નીઓને કહ્યું કે, તમે તમારું સમક્તિ દઢ કેમ થયું ? તેનું કારણ જણાવો.”
પત્નીએ કહ્યું કે, પહેલાં આપ જણાવો . પછી અમે પણ અમારું કારણ કહીશું.”
ત્યારબાદ શેઠ અને આઠ પત્નીઓ કમપૂર્વક પોતાના સમ્યકત્વની દઢતાના કારણની કથા કહે છે.
વાંચતાં વાંચતા એમ થાય કે આઠ-આઠ પત્નીઓથી પરીવરેલા શેઠ અને તેમની પત્નીઓ કેટલા પરીણત હશે કે મોજમજાની - વિલાસની વાતો કરવાને બદલે આવી ધર્મચર્ચા-કથા કરે છે.
આજે સાવ છીછરી, છાટકી અને ઉપરછલ્લી વાતોમાં અમૂલ્ય સમય બગાડતાં પતી-પત્નીઓને આ ગ્રંથ વંચાવવા જેવો છે.
વાત સ્વરૂપે કહેવાયેલા આ ગ્રંથમાં ઉપદેશનો ભાર વર્તાતો નથી. પ્રવાહી શૈલીમાં ગ્રંથ ચાલ્યા જ કરે છે.
ગ્રંથની શૈલી વાતની છે માટે વાંચવો ગમે તેવો છે.
સંસ્કૃતના નવા અભ્યાસુઓને આ ગ્રંથનું વાંચન ખૂબ જ સુગમ પડે તેવું છે. અવાંતર શ્લોકો મગજમાં ઘેરી છાપ પાડી જાય તેવા છે. માટે જ પરિશિષ્ટમાં એ બધા શ્લોકોનો સમાવેશ કર્યો છે. - ભાષાંતરમાં વચ્ચે જુદા પડતા અક્ષરોમાં જે પંક્તિઓ છે તે એ બધા શ્લોકોના અર્થ છે.
ધર્મની - સમ્યકત્વની અચલ ટેકધારીઓની આ કથા વાંચતા મસ્તક નમી પડે છે.
નજીવા કારણોસર ધર્મમાં - નિયમોમાં છૂટછાટ અને બાંધછોડ કરતું મન આ કથાના વાંચન દ્વારા દઢતાનું પાન અને ગાન કરવા લાગી જાય તેવી વાતો આ ગ્રંથમાં કરી છે. ગ્રંથનો ગુજરાતી અનુવાદ કરવાનો ઉદ્દેશ જ આ છે. સમક્તિની શુદ્ધિ-વૃદ્ધિને કરનારા આ ગ્રંથનું વાંચન અવશ્ય કરવા જેવું છે.
આદિનાથ શકુનાવલી તથા અંક-રમળ આ બે નાના ગ્રંથો ઉપયોગી હોવાથી આમાં સમાવિષ્ટ કર્યા છે.
