________________
१००
चउ-दिसि गुरुग्गहो इह अहुद तेरस करे स-पर-पखे । अणणुनायस्स सया न कप्पए तत्थ पविसेउं ॥३१॥ पण तिग बारस दुग तिग चउरो छट्ठाण पय इगुणतीसं । गुण-तीस सेस आवस्सयाइ सव्व-पय अड-वन्ना ॥३२॥ इच्छा य अणुन्नवणा अव्वाबाहं च जत्त जवणा य । अवराह खामणावि अ वंदण-दायस्स छ-ढाणा ॥३३॥ छंदेणऽणुजाणामि तहत्ति तुभंपि वट्टए एवं । अहमवि खामेमि तुमं वयणाई वंदण ऽरिहस्स ॥३४॥ पुरओ-पक्खा-ऽऽसन्ने गंता चिट्ठण-निसोअणा-ऽऽयमणे । आलोअण-ऽपडिसुणणे पुव्वा-ऽऽलवणे य आलोए ॥३५॥ तह उवदंस निमंतण खद्धाययणे तहा अपडिसुणणे । खद्धत्ति य तत्थगए किं तुम तज्जाय नो सुमणे ॥३६॥ नो सरसि कहंछित्ता परिसंभित्ता अणुट्ठियाइ कहे । संथार-पाय घट्टण-चिट्ठच्च-समासणे आवि ॥३७॥ इरिया कुसुमिणुसग्गो चिइ-वंदण पुत्ति वंदणा-ऽऽलोयं । वंदण खामण वंदण संवर चउ-छोभ दु-सज्झाओ ॥३८॥ इरिया चिइ-वंदण पुत्ति वंदणं चरिम वंदणा-ऽऽलोयं । वंदण-खामण चउ छोभ दिवसुस्सग्गो दु-सज्झाओ ॥३९॥ एयं किइ-कम्म-विहिं जुंजता चरण-करणमाउत्ता। साहू खवंति कम्मं अणेग-भव-संचिअमणतं ॥४०॥ अप्प-मइ-भव्व बोह-ऽत्थं भासियं विवरियं च जमिह मए । तं सोहंतु गीयत्था अणभिनिवेसी अ-मच्छरिणो ॥४१॥
