________________
मूलशुद्धिप्रकरणम्-द्वितीयो भागः इय एरिसए वसंतए पत्तयम्मि विरहीयणगहियवसंतए । कीलणत्थनिग्गओ नयरीलोयओ निययरिद्धिभर रिओ धम्मविलोइउ ॥१३॥ निग्गच्छंति य नयरीजणाण तरुणाण चच्चरिसयाई । अंदोलयकीलाओ तह य पयर्टेति तरुणीओ ॥१४॥ गाइज्जइ सुइसुहयं तंती-तल-वेणुसद्दसंवलियं । मुरवाईसद्देण य नच्चिज्जइ चच्चरी रम्मा ॥१५॥ नच्चइ चित्तो गायइ, संभूओ कामिणीक उक्कंठं । कइया वि हु संभूओ, नच्चइ गाएइ पुण चित्तो ॥१६॥ एवं ते नच्चंता संपत्ता नयरमज्झयारम्मि । भग्गाओ य खणेणं सव्वाओ नयरिपेच्छाओ ॥१७॥ ताणं च गीय-वाइय-नच्चियरंगेण सव्वनयरिजणो । पाएणं अक्खित्तो चिंतइ तो चोउवेयजणो ॥१८॥ जह सव्व च्चिय नयरी एएहिं विणासिया अणज्जेहिं ।
तो विण्णविठं रायं नयरिपवेसो अह निसिद्धो ॥१९॥
तओ विमणदुम्मणा गया नियगेहं । अण्णया य समागए कोमुइमहूसवे पयट्टे निब्मरे कीलारसे गेहे चिट्ठिउमचयंता अगणिऊण रायसासणं अपरिभाविऊण लोगविरुद्धं अचिंतिऊण नियनीयत्तणं पविट्ठा नेयरमज्झे । तत्थ य ताणं विविहकीलाओ पेच्छंताणं कोल्हुयाणं व अवरकोल्हुयरसियं समायण्णिऊण वयणं भंजिऊण निग्गयं गेयं । तओ एगत्थ पएसे वत्थावगुंडियवयणा गाइडं पयत्ता । तं च सोऊण विम्हिओ लोगो चिंतिउं पयत्तो,
किं एएते तुंबुरु-हाहा-हूहूण के वि अण्णयरे ? । . अहवा वि किन्नरा कि समागया इह सयं चेव ? ॥२०॥ अहवा वि के वि अण्णे तियसा एत्थं समागया नूणं । इय कोउगेण लोगो उग्घाडइ ताण वयणाई ॥२१॥
तओ ते चेव पाणे दट्ठण रुटेण सव्वलोगेण जट्ठि-मुट्ठि जाणु-कोप्पर-लउडपत्थरप्पहारेहि पराभविऊण निद्धाडिया नयरीओ, चितिउं च पयत्ता- .
१. ला. निग्गच्छद नय' ॥ २. ला. भाविओ ॥ ३. ला. 'वाइयस' || ४. ला. नयरपे ॥ ५. सं.वा.सु. चाउविज्जमिणं ॥ ६. ला. नयरिम ॥
