________________
मूलशुद्धिप्रकरणम्-द्वितीयो भागः
उण्होलाओ तत्तो च वज्जतुंडाओ सो पकप्पेइ । ताहिं वि अक्खुहियमणं नाऊणं विच्छुए मुयइ ॥३३॥ तत्तो अच्चुग्गविसे विउव्वई दीहरे महाभुयगे । दढनागपासबद्धं काऊण डसंति ते देहं ॥३४॥ अवहरिय ते वि तत्तो नउले अइतिक्खदंसणे कुणइ । तत्तो य मूसए पुण विउरुव्वइ अट्ठमे एसो ॥३५॥ खंडाई तोडित्ता खयाइ सिंचंति निययमुत्तेणं ।। तेहिं वि जा न वि चलिओ विउरुव्वइ करिवरं तत्तो ॥३६॥ सुंडादंडेणेसो घेत्तुं उव्विहइ दूरमागासं । दसणेहिं पुण पडिच्छइ लोलइ धरणीए पाएहि ॥३७॥ एवं हत्थिणिया वि हु चूरइ सा सुंडएहिं दंतेहिं । तत्थ वि अक्खुहिर्यमणं दट्ट पिसायं विउव्वेइ ॥३८॥ चलणंगुलिसुप्पनहं लोढयसमसरिससव्वअंगुलियं । नीसाहतुल्लचलणं अइदीहरतालजंघालं ॥३९॥ वित्थिण्णवंकयकडिं उट्टियकप्परसमाणगुरुपोटें । कूवयखंभयबाहं मेहवम्मसमाणकरजुयलं ॥४०॥ घाणयलट्ठिकरंगुलिसुप्पनहं वियर्डंभुग्गवच्छयलं । अइदीहफालदंतं लंबोटुं चिबिडनासग्गं ॥४१॥ रसलोलवयणनिग्गयदीहरलंबंतजुयलजीहालं । आऊसियगंडयलं रत्तच्छं दीहदाढिययं ॥४२॥ गुडुहयभुंभल (य)सिरं घाडुब्भडविसमतुंडभालयलं । आयारमेत्तसबलं हुयवहजालावलीकेसं ॥४३॥ जलभरियमेहवण्णं करयलपरिकलियकत्तियकरालं । नवउक्कत्तियसरुहिरगलंतगयकत्तिपरिहाणं ॥४४॥
१. ला. 'हरिया ते वि तओ न° ॥ २. सं.वा.सु. उव्वहइ ॥ ३. ला. “यमणं दुटुपि ॥ ४. ला. “सचरणअं ॥ ५. ला. रुपेढें ।। ६. सं.वा.सु. महचम्म ॥ ७. ला. उभग्ग ॥ ८. ला. 'नासायं ॥ ९. सं.वा.सु. 'कारिय ||
