________________
५४
तत्तो उव्वट्टित्ता सप्पो होऊण मरिय अस(स्स) ण्णी । होउं पुणो वि पढमं रयणप्पहपुढवियं जाहि ॥ १७१ ॥ पढमाओ उव्वट्टिय समुग्गपक्खीसु लोमपक्खीसु । चम्मयपक्खीसु य विययपक्खिमाई खहयरेसुं ॥ १७२ ॥ मरिऊणं मरिऊणं उववज्जिस्सइ तर्हि तर्हि चेव । सत्थहओ दाहेणं अणेगसो पावकम्मेणं ॥ १७३ ॥ भुपरिसप्पेसु तओ गोहा - गोहेर - नउलमाईसु । उरपरिसप्पेसु तओ अहि- अजगरमा चित्तेसु ॥१७४॥ तत्तो चउप्पएसुं एगक्खुर- दुखुर - गंडिपाए । सणफयमाईसु तहा मरिऊण अणेगसो होही ॥ १७५॥ तत्तो य जलयरेसुं मच्छेसुं कच्छभेसुमयरेसुं । गाहेसु सुंसुमारेसु नक्कचक्काइएसुं च ॥१७६ चउरिदिए तत्तो अगरूवेसु सो भवेऊणं । तेइंदिसु तत्तो [तत्तो] बेइंदिएसुं च ॥१७७॥
या सव्वाणं जाई अणेगसो मओ जाओ । सव्वत्थ सत्थवज्झो मरिही दाहेण डज्झतो ॥१७८॥
तत्तो वणस्सईसुं पाएणं कडुयरुक्खमाईसु । तत्तो य वाउकाइयभेएस अणेगरूवेसु ॥ १७९॥
पुण उकाइए इंगालाईसु णेगभंगेसुं ।
पुण आउकाइएसुं उस्सण्णं खार - कडुसुं ॥१८०॥
मूलशुद्धिप्रकरणम्-द्वितीयो भागः
तो पुढविकाइएसुं पाएणं खरविहाणठाएसुं ।
सत्थहओ सव्वत्थ वि मरिऊण पुणो पुणो होहि ॥१८२॥
तत्तो रायगिहपुरे बाहिं खरिया भवित्तु अइया वा । सत्थहया तत्थेव य खरिया अब्भंतरे होहिइ ॥१८२॥
तत्तो जंबुद्दीवे दीवे भरहम्मि विंझगिरिमूले । विभेलसण्णिवेसे भट्टकुले दारिया होहि ॥१८३॥
१. ला पाएणं विविहखरविहाणेसुं ॥ २. सं. वा.सु. पुरे खरिया य भवित्तु तो अईया ||
