________________
मूलशुद्धिप्रकरणम्-द्वितीयो भागः करेहिइ" ।
सुमंगले णं भंते ! अणगारे विमलवाहणं रायं भासरासिं करित्ता कहिं उववज्जिस्सइ ? । “गोयमा ! बहुहिं चउत्थ-छ?-ऽट्ठम-दसम-दुवालसाइएहिं तवोकम्मेहि अप्पाणं भावित्ता बहूणि वासाणि सामण्णं पालित्ता मासियाए संलेहणाए कालं करित्ता सव्वट्ठसिद्धे महाविमाणे अजहण्णुक्कोसेणं तेत्तीससागरोवमट्टिई देवो समुपज्जिस्सइ । तओ अणंतरं चइत्ता महाविदेहे वासे सिज्झिहिइ" ।
विमलवाहणे णं भंते ! राया सुमंगलेणं भासरासीकए समाणे कहिं उववज्जिस्सइ ? "गोयमा ! अहेसत्तमाए पुढवीए उक्कोसट्ठिइयंसि नरगंसि नो रइयत्ताए उववज्जिस्सइ । तत्तो उवट्टित्ता मच्छो भविस्सइ । तत्थ सत्थवज्झो दाहवकंतीए कालं किच्चा दोच्चं पि अहे सत्तामाए उक्कोसट्टिई नारगो उववज्जिस्सइ ।
तत्तो उवट्टित्ता दुच्चं पि य मच्छओ भवेऊणं । सत्थहओछट्ठाए तमाए पुढवीए गच्छिहिइ ॥१६२।। छट्ठाओ पुढवीओ उव्वट्टित्ताण इत्थिया होहिइ । तत्थ वि य सत्थवज्झो गच्छिस्सइ छट्ठियं पुण वि ॥१६४॥ उव्वट्टिऊण तत्तो होउं दोच्चं पि इत्थियत्तेण । पंचमधूमपभाए होहिइ पुढवीए नेरइओ ॥१६५॥ तत्तो आगंतूणं उरगेसुववज्जिही महाविसेसु । तत्थ वि य सत्थवज्झो दोच्चं पि य पंचमं जाहिइ ॥१६६।। पुण उरगो होऊणं उववज्जिस्सइ चउत्थपुढवीए । तत्तो सीहो होउं चउत्थियं पुण वि वच्चिहिइ ॥१६७॥ उव्वट्टित्ता य तओ दोच्चं सीहो भवित्तु तच्चाए । गच्छिस्सइ पुढवीए होहिइ पक्खी तओ आओ ॥१६८॥ तत्थ वि सत्येण हओ दोच्चं पि वि तच्चियाए गच्छिहिइ । दुइयं पि भविय पक्खी गच्छिस्सइ दोच्च पुढवीए ॥१६९॥ तत्तो सरीसिवेसुं उववज्जिय पुण वि दोच्चयं जाहिइ । दुइयं सिरीसिवेसुं होउं पढमाए गच्छिहिइ ॥१७०॥
१. ला. ०प्पज्जिहि ॥
