________________
२५३
मूलशुद्धिप्रकरणम्-द्वितीयो भागः
एवंविहं निएउं संजमगुणधारिणी पउमनाहो । चितेइ "कह पवण्णा दुक्करचरियं इमा सीया ॥३६१।। एसा मज्झ भुओयरमल्लीणा निययमेव सुहललिया। कह दुव्वयणचडयरं सहिही मिच्छत्तमहिलाणं ? ॥३६२॥ जाए बहुप्पयारं भुत्तं चिय भोयणं रससमिद्धं । सा कह लट्ठमलट्ठा भिक्खा भुंजिहिइ परदिण्णा ? ॥३६३।। वीणावंसरवेमं उवगिजंती उजासुहं सइया । सा कह लहिही निदं संपइ फरुसे धरिणिवढे ? ॥३६४॥ सा बहुगुणगणनिलया सीलवई निययमेव अणुकूला । परपरिवाएण मए मूढेणं हारिया सीया" ॥३६५॥ एयाणि य अन्नाणि य परिचितेऊण तत्थ पउमाभो । परमत्थमुणियकरणो पणमइ ताहे जणयधूयं ॥३६६।। तो भणइ रामदेवो 'एक चेव परिवसंतेणं । जं चिय तुह दुच्चरियं कयं मए तं खमिज्जासु' ॥३६७।। एवं सा जणयसुया लक्खणपमुहेहि नरवरिंदेहि । अभिवंदिया समाणी अहियं परितुट्ठहियएहिं ॥३६८॥ अभिवंदिऊण सीयं लद्धासीसो य राहवो चलिओ । भडचक्केण परिगओ संपत्तो अत्तणो भवणे ॥३६९॥ सीया वि निक्कलंकं सामण्णं पालिऊण पज्जते । अणसणविहिणामरिठं संजाया अच्चुए इंदो ॥३७०॥ अन्नभवे सीयाए वेगवईनामियाए लोगेण । पूइज्जंतो दिट्ठो सुदंसणो नाम वरसाहू ॥३७१॥ तो मच्छरेण तीए कहियं सव्वस्स तत्थ लोगस्स । जह 'एसो उज्जाणे महिलाए समं मए दिट्ठो' ॥३७२।। तत्तो गामजणेणं अणायरो मुणिवरस्स आढत्तो । तेण वि य कओ सिग्घं अभिग्गहो धीरपुरिसेणं ॥३७३॥
१. ला. सीलमई ॥
